2021 جىلدىڭ ءىى توقسانىندا ءبىلىم سالاسى قىزمەتكەرلەرىنىڭ ورتاشا جالاقىسى 233،9 مىڭ تەڭگە بولدى، بۇل وتكەن جىلمەن سالىستىرعاندا 26،8 پايىزعا كوپ. بۇل تۋرالى Ranking.kz سايتى حابارلادى. 

2021 جىلدىڭ ءىى توقسانىندا ءبىلىم سالاسىندا 528،4 مىڭ ادام قىزمەت ەتتى. بۇل وتكەن جىلمەن سالىستىرعاندا 2،5 پايىزعا كوپ. ال 2020 جىلدىڭ II توقسانىندا 515،5 مىڭ ادام قىزمەت كورسەتىپ، ءوسىم كورسەتكىش 2،9 پايىزدى قۇرادى.

ءبىلىم سالاسىندا ەڭبەك ەتەتىندەر سانى بويىنشا الماتى وبلىسى كوش باستاپ تۇر. وندا 68،3 مىڭ ادام ەڭبەك ەتەدى. ال ەڭ ازى اتىراۋ وبلىسىندا، وندا 14،2 مىڭ ادام بار. 

رەسپۋبليكا بويىنشا مەكتەپكە دەيىنگى ءبىلىم بەرۋ سالاسى قىزمەتكەرلەرىنىڭ ورتاشا جالاقىسى – 116،4 مىڭ تەڭگە، باستاۋىش سىنىپ مۇعالىمدەرىگنىكى 193،4 مىڭ تەڭگە، ورتا ءبىلىم بەرۋ مەكەمەسى ۇستازدارىندا  273،7 مىڭ تەڭگە، جوو وقىتۋشىلارىنىكى 251،7 مىڭ تەڭگە.

قوسالقى ءبىلىم بەرۋ قىزمەتتەرى سالاسىنىڭ قىزمەتكەرلەرى 177،1 مىڭ تەڭگە جالاقى الدى. ءبىر جىلدا جالاقى مولشەرى 11،6% وسكەن. 

وڭىرلەر بويىنشا ەڭ كوپ جالاقى الاتىندار:

نۇر-سۇلتان – 350،8 مىڭ تەڭگە، وتكەن جىلمەن سالىستىرعاندا 17،6% كوپ؛

ماڭعىستاۋ وبلىسى – 268 مىڭ تەڭگە؛

الماتى – 265،5 مىڭ تەڭگە. 

ال ەڭ از جالاقى باتىس قازاقستان وبلىسىندا تىركەلدى، ءوڭىر مۇعالىمدەرىنىڭ جالاقىسى 200،7 مىڭ تەڭگە. بۇل وتكەن جىلعا قاراعاندا 31،6% جوعارى.

قازاقستاننىڭ 17 ءوڭىرىنىڭ تەك بەسەۋىندە ءبىلىم سالاسى قىزمەتكەرلەرىنىڭ تابىسى جالپى ورتاشا جالاقىدان اسادى. بۇدان وزگە جالاقىسى كوپ وڭىرلەرگە قىزىلوردا مەن الماتى وبلىستارى كىرەدى. 

ءبىلىم جانە عىلىم مينيسترلىگىنىڭ مالىمەتىنشە، 2022 جىلى بالاباقشا، مەكتەپ جانە كوللەدج پەداگوگتەرىنىڭ جالاقىسى 25% وسەدى.