جامبىل وبلىسى بايزاق اۋدانىنداعى جارىلىسقا بايلانىستى 29 تامىز جالپىۇلتتىق ازا تۇتۋ كۇنى دەپ جاريالاندى. بۇل تۋرالى پرەزيدەنت قاسىم-جومارت توقايەۆ twitter پاراقشاسىندا مالىمدەدى.
"جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كۇنى دەپ جاريالايمىن. قازا بولعان اسكەري قىزمەتشىلەر مەن قۇتقارۋشىلار ەرەن ەرلىك پەن ناعىز جانقيارلىق كورسەتتى. ەرلەرىمىزدىڭ ەسىمى ەل جادىندا ماڭگى ساقتالادى" دەدى توقايەۆ.
26 تامىزدا جامبىل وبلىسى بايزاق اۋدانىندا ورنالاسقان اسكەري بولىمدەگى ءوق-دارى قويمالارىنىڭ ءبىرى ورتەنىپ، بىرنەشە جارىلىس بولعان.
جارىلىستان جالپى سانى 12 ادام قازا تاۋىپ، 98 ادام جاراقات العان. جوعالعاندار دا بار. ولاردى ىزدەستىرۋ جۇمىستارى جالعاسىپ جاتىر.
پىكىر قالدىرۋ