جامبىل وبلىسىنداعى جارىلىستان قازا تاپقاندار سانى 13-كە جەتتى، دەپ حابارلادى توتەنشە جاعدايلار مينيسترلىگى.
جامبىل وبلىسىندا جارىلىس بولعان اۋماقتا تاعى ءبىر ادامنىڭ دەنەسى تابىلدى. ونىڭ جەكە باسى انىقتالىپ جاتىر.
جارىلىس كەزىندە توتەنشە جاعدايلار مينيسترلىگىنىڭ 50-گە جۋىق قىزمەتكەرى ءتۇرلى دارەجەدە دەنە جاراقاتىن العان.
26 تامىز كۇنى كەشكى ۋاقىتتا جامبىل وبلىسىنىڭ اسكەري بولىمىندەگى قويمالاردىڭ بىرىندە جارىلىس بولعان. سالدارىنان جالپى سانى 13 ادام قازا تاپتى. ولاردىڭ اراسىندا ءورت سوندىرۋشىلەر، توتەنشە جاعداي مينيسترلىگىنىڭ، اسكەري ءبولىمنىڭ، اسكەري كۇزەت پەن اسكەري پروكۋراتۋرانىڭ قىزمەتكەرلەرى بار. اسكەري بولىمنەن جارتى شاقىرىم جەردەگى قاينار اۋىلىنداعى ۇيلەر بۇلىنگەن.
پىكىر قالدىرۋ