جامبىل وبلىسىنداعى جارىلىستان امان قالعان الماز ەسىمدى ءورت ءسوندىرۋشى وقيعانىڭ قالاي بولعانىن ايتىپ بەردى. بۇل تۋرالى جۋرناليست يرينا سوۆەتجان قىزى الەۋمەتتىك جەلىدەگى پاراقشاسىنا جاريالادى.
– پولكوۆنيك جارىلمايدى دەدى دە، ءوزى شەگىنە باستادى. جارىلاتىن زات جوق دەپ باسشىلارىمىزعا ايتتى. ولار دا الدانىپ قالعان سياقتى، – دەدى ءورت ءسوندىۋشى.
ونىڭ ايتۋىنشا، جارىلىستان كەيىن ونىڭ ەكى كوزى كورمەي قالعان. كەيىن ونى قاسىندا جۇرگەن باسشىسى بەلىنەن سۇيرەپ، بەتون ارتىنا اپارعان.
– جارىلىس بولار كەزدە ءبىز تۋرا بازانىڭ الدىندا تۇردىق. ءبىزدىڭ باسشىمىز جوعارىدان بۇيرىق الىپ، كامازعا جۇگىرىپ كەلدى. سول كەزدە جارىلىس بولدى دا، كولىكتىڭ ەسىگىن جۇلىپ اكەتتى. ءبىز جان-جاققا ۇشىپ كەتتىك. كوزىمدى اشسام، قاپ-قاراڭعى. ەشتەڭە كورىنبەيدى. قولدارىم سىنىپ قالعان. باسشىم مەنەن كوزىڭ كورە مە دەپ سۇرادى. مەن ەشتەڭە كورىنبەيتىنىن ايتتىم. كەيىن ول مەنى بەلىمنەن سۇيرەپ، سەمەنت ارتىنا الىپ كەلدى. ءبارىمىز بۇركەنىپ جاتىپ قالدىق. كەيىن ولاردان اداسىپ قالدىم. قاسىمدا ءوتىپ بارا جاتقان ادامداردان كومەك سۇرادىم. ال جارىلىس بولاردان بۇرىن اسكەريلەردىڭ كەيىن شەگىنىپ بارا جاتقانىن بايقادىم. ساناۋلى اسكەري ادام عانا ءجۇردى. قالعاندارى كولوننا بولىپ شىعىپ بارا جاتتى. مەن بويى ۇزىن ءبىر پولكوۆنيكتەن جارىلىس بولا ما دەپ سۇرادىم. ول "جارىلىس بولمايدى، ەرۋندا" دەدى. ءبىراق ءوزى شەگىنىپ بارا جاتتى. ءبىرازدان سوڭ ءبىزدىڭ باستىعىمىز دا بىرنارسە سەزگەندەي، جايلاپ ارتقا شەگىنەيىك دەدى. "ابايلايىقشى، جىگىتتەر" دەدى. ءقازىر قاسىمدا بولعاندار قايتىس بولعان. ول جەردە قازا تاپقانداردىڭ كوبىسى ءورت سوندىرۋشىلەر" – دەپ ايتتى ءورت ءسوندىرۋشى الماز.
26 تامىز كۇنى جامبىل وبلىسى بايزاق اۋدانىندا ورنالاسقان اسكەري بولىمدە ساعات 19.00 شاماسىندا قويمالاردىڭ ءبىرىنىڭ جانىندا ءورت شىققان. ءورت سالدارىنان قويماداعى ءوق-دارى جارىلىپ، سالدارىنان 15 ادام قازا تاپقان. ولاردىڭ اراسىندا ءورت سوندىرۋشىلەر، توتەنشە جاعداي مينيسترلىگىنىڭ، اسكەري ءبولىمنىڭ، اسكەري كۇزەت پەن اسكەري پروكۋراتۋرانىڭ قىزمەتكەرلەرى بار. اسكەري بولىمنەن جارتى شاقىرىم جەردەگى قاينار اۋىلىنداعى ۇيلەر بۇلىنگەن.
پوسموترەت ەتۋ پۋبليكاسيۋ ۆ Instagram
پىكىر قالدىرۋ