جامبىل وبلىسىنداعى جارىلىستان امان قالعان ءورت سوندىرۋشىلەردىڭ ءبىرى سول كۇنگى وقيعانى بايانداپ بەردى. بۇل تۋرالى جۋرناليست يرينا سوۆەتجان قىزى Instagram پاراقشاسىندا جاريالادى.
بايزاق اۋدانى، 8ء-ورت ءسوندىرۋ قىزمەتىنىڭ قاراۋىل باستىعى اسىل مۇحامەدجانوۆ بىرنەشە ءورت ءسوندىرۋشىنى قۇتقارعان ازامات.
ول وقيعا ورنىنا ءورت سوندىرۋشىلەردەن ەڭ ءبىرىنشى بولىپ بارعانىن ايتادى. سول جەردەگى جۇرگەن اسكەرلەردەن نە ورتەنىپ جاتقانىن سۇراعانىندا ول جەردە جارىلاتىن زات جوق ەكەنىن مادىمدەگەن.
– اينالانىڭ ءبارى قارا ءتۇتىن بولىپ جاتتى. بارا سالا بارلاۋ جاسايمىز، ستارشينا كىم دەپ سۇراپ، جارىلاتىن زات بار ما دەپ سۇراعانىمدا "جوق" دەپ جاۋاپ بەردى. العاشقى داۋىستار شىعا باستاعاندا، تاعى سۇرادىم. تاعى دا "جوق" دەگەن جاۋاپ الدىم. توقتاۋسىز سۋ كەلسە دە، ول ءورتتى وشىرە الماس ەدىك. جارىلعىش زات بار جەرگە ءبىزدى جاقىنداتپاۋى كەرەك ەدى، – دەيدى ءورت ءسوندىرۋشى.
پوسموترەت ەتۋ پۋبليكاسيۋ ۆ Instagram
26 تامىز كۇنى جامبىل وبلىسى بايزاق اۋدانىندا ورنالاسقان اسكەري بولىمدە ساعات 19.00 شاماسىندا قويمالاردىڭ ءبىرىنىڭ جانىندا ءورت شىققان. ءورت سالدارىنان قويماداعى ءوق-دارى جارىلىپ، سالدارىنان 15 ادام قازا تاپقان. ولاردىڭ اراسىندا ءورت سوندىرۋشىلەر، توتەنشە جاعداي مينيسترلىگىنىڭ، اسكەري ءبولىمنىڭ، اسكەري كۇزەت پەن اسكەري پروكۋراتۋرانىڭ قىزمەتكەرلەرى بار. اسكەري بولىمنەن جارتى شاقىرىم جەردەگى قاينار اۋىلىنداعى ۇيلەر بۇلىنگەن.
پىكىر قالدىرۋ