ءبىلىم جانە عىلىم ءمينيسترىنىڭ باسپا ءسوز حاتشىسى ءمولدىر ابدۋالييەۆا ءداستۇرلى فورماتتا وقيتىن وقۋشىلاردىڭ اتا-انالارىنان بالاسىنىڭ مەكتەپتە وقۋىنا قارسىلىعى جوق ەكەنى تۋرالى الەۋمەتتىك جەلىدە تاراپ جاتقان ءوتىنىش ۇلگىسىنە بايلانىستى پىكىر ءبىلدىردى.
"قۇرمەتتى اتا-انالار! وفلاين وقۋ فورماتى ساپالى ءبىلىمدى قامتاماسىز ەتۋ ءۇشىن قاجەت. ءبىراق مەكتەپتەردە وسىنداي وتىنىشتەر تالاپ ەتىلمەۋى ءتيىس. تالاپ ەتسە، ماعان جازىڭىز، ءار ءوتىنىشتى جەكە قاراستىرامىز!" دەلىنگەن باسپا ءسوز حاتشى حابارلاماسىندا.
بۇعان دەيىن الەۋمەتتىك جەلىدە مەكتەپ باسشىسىنىڭ اتىنا اتا-انادان جازىلعان ءوتىنىش ۇلگىسى تاراعان. ول جەردە اتا-انا بالاسىنىڭ مەكتەپتە ءداستۇرلى فورماتتا وقيتىنىنا قارسى ەمەستىگى، بالاسىنىڭ قاۋىپسىزدىگى مەن دەنساۋلىعىنا ءوزى جاۋاپتى ەكەنى جازىلعان.
پىكىر قالدىرۋ