شىمكەنت قالاسىندا ءسۇت ءوندىرۋ باعىتى مەن اسىل تۇقىمدى مال شارۋاشىلىعىن دامىتۋ ماقساتىندا 349 باس ساۋىندى سيىردى قۇرايتىن ءۇش ءتاۋارلى-سۇت فەرماسى اشىلدى. ونىڭ ىشىندە «كورنو-1» وك جاڭادان اشىلعان بولسا، «ەگامنازاروۆ» جك مەن «زەرتاس» شق ءسۇت فەرماسىن ۇلعايتىپ وتىر.

مەگاپوليستە جۇزەگە اسقان بۇل جوبالارعا جالپى قۇنى 0،8 ميلليارد تەڭگە ينۆەستيسيا تارتىلدى. شارۋا قوجالىقتار سيممەنتال مەن گولشتەين تۇقىمدى ساۋىندى سيىرلاردى ەۋروپا ەلدەرىنەن اكەلگەن. سيىرلاردىڭ بۇل تۇقىمى ءسۇتتى باعىتتا بولعاندىقتان تاۋلىگىنە ورتاشا ەسەپپەن 24 ليتر ءسۇت ساۋىلادى.

ينۆەستيسيالىق جوبالاردىڭ ءبىرى - «كورنو-1» وك اعىمداعى جىل باسىندا وتاندىق اسىل تۇقىمدى سۇتتى-ەتتى باعىتتاعى 50 باس ءىرى قارا مال ساتىپ العان. شارۋاشىلىقتا وندىرىلگەن ءسۇت قالا اۋماعىنداعى قايتا وڭدەۋ سەحتارىنا وتكىزىلۋدە. شارۋاشىلىقتا 4 ادام تۇراقتى جۇمىسپەن قامتىلعان. الداعى ۋاقىتتا، شارۋاشىلىق قۋاتتىلىعىن كەڭەيتىپ، قوسىمشا قورا جاي قۇرىلىسىن جۇرگىزىپ، مال باسىن كوبەيتۋدى جوسپارلاۋدا. شارۋاشىلىققا ساتىپ الىنعان اسىل تۇقىمدى ءىرى قارا مالدىڭ انالىق باسىنا «اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ» باعدارلاماسىنا سايكەس، 2021 جىلدىڭ ءساۋىر ايىندا مەملەكەت تارانىنان 9،8 ملن. تەڭگە قولداۋ كورسەتىلگەن.

بۇگىندە ءسۇت ءوندىرۋ باعىتىن ۇلعايتۋ ماقساتىندا جەكە كاسىپكەر «ەگامنازاروۆ» ەۋروپا ەلدەرىنەن 138 باس اسىل تۇقىمدى ءىرى قارا مالدىڭ انالىق باسىن ساتىپ الدى (2020 جىلى– 70 باس، 2021 جىلى 68 باس). قازىرگى تاڭدا ساتىپ الىنعان ءىرى قارا مالدارىنىڭ جارتىسىنان كوبى تولدەپ شارۋاشىلىقتاعى جالپى مال باسى 173 باسقا جەتتى. وندىرىلگەن ءسۇت «فۋدماستەر» جشس-نە بەرىلۋدە. مەملەكتتىك قولداۋلاردى ءتيىمدى پايدالانۋ ارقاسىندا شارۋاشىلىقتىڭ ءسۇت وندىرۋدەگى جىلدىق قۋاتتىلىعى 500 توننادان 900 تونناعا جەتتى. الداعى ۋاقىتتا اتالعان شارۋاشىلىق قورا جاي قۇرىلىسىن جاڭارتىپ، ءسۇتتى باعىتتا مال باسىن كوبەيتۋدى جوسپارلاپ وتىر.

2019 جىلى قۇرىلعان «زەرتاس» شق اسىل تۇقىمدى ءسۇت باعىتىنداعى فەرماسىن ۇلعايتتى. بۇگىنگى تاڭدا شارۋاشىلىقتا قوسىمشا قورا جاي سالىنىپ، جالپى ءىرى قارا مال باسىنىڭ سانى 128-دەن 342-گە جەتىپ، ونىڭ ىشىندە ءسۇتتى باعىتتاعى سيىرلاردىڭ سانى 161 باستى قۇراپ وتىر. مۇندا جىلىنا وندىرىلەتىن ءسۇتتىڭ كولەمى 1000 توننادان اسادى. شارۋاشىلىقتا وندىرىلگەن ءسۇت «فۋدماستەر» ءجشس-نىڭ قايتا وڭدەۋ سەحىنا جونەلتىلەدى.

جالپى اۋماعى 2،2 گەكتاردى قۇرايتىن شارۋاقوجالىقتا زاماناۋي «پاراللەل» ساۋۋ قوندىرعىسى، ءسۇتتى جيناۋعا ارنالعان سالقىنداتقىش تانكەر سەكىلدى يننوۆاسيالىق تەxنولوگيالار جانە سيىرلاردى تۇراقتى ۇستاۋ، اسىل تۇقىمدى بۇزاۋلاردى ءوسىرۋ ايماقتارى بار. بۇدان بولەك، شارۋاشىلىق مال ازىعىن دايىنداۋعا ارنالعان ارنايى قۇرىلعىلارمەن، اۋىل شارۋاشىلىلىق تەحنيكالارىمەن قامتىلعان.

الداعى ۋاقىتتا بۇل شارۋاقوجالىق مال باسىنىڭ سانىن ارتتىرۋ ءۇشىن قوسىمشا قورا جاي قۇرىلىسىن جۇرگىزىپ، ءسۇت ءونىمىن كوبەيتۋدى جانە حالىقتى تابيعي ءارى ساپالى ءسۇت ونىمىمەن قاماتاماسىز ەتۋدى جوسپارلاپ وتىر. «اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ» باعدارلاماسىنا سايكەس جىل باسىنان بەرى وندىرىلگەن سۇتكە 5 241 300 تەڭگە مەملەكەتتىك قولداۋ كورسەتىلدى.