شىمكەنت قالاسىندا مال شارۋاشىلىعىن دامىتۋ ماقساتىندا ءتۇرلى جاڭا جوبالار قولعا الىندى. سونىڭ ءبىرى مالداردىڭ تەيلەريوز، پيروپلازموز، اناپلازموز سەكىلدى پارازيتورلىق اۋرۋلارىمەن كۇرەسۋگە باعىتتالىپ وتىر.

قالالىق اۋىلشارۋاشىلىعى جانە ۆەتەريناريا باسقارماسىنىڭ مالىمدەۋىنشە، ۇسىنىلىپ وتىرعان جوبانىڭ ماقساتى - ەندوگلوبۋليارلىق پارازيتتەر مەن فلاگەللالاردان (پيروپلازموزدار، تەيلەريوز) تۋىنداعان اۋىل شارۋاشىلىعى جانۋارلارىنىڭ قان پارازيتارلىق اۋرۋلارىنىڭ الدىن الۋ، اۋرۋدى ەرتە كەزەڭدە انىقتاۋ جانە ءتيىمدى كۇرەس جۇرگىزۋ.

ستاتيستيكاعا سايكەس، ەلىمىزدىڭ وڭتۇستىك وڭىرلەرىندە مالدىڭ 95 پايىزى تەيلەريوز جانە پيروپلازموز اۋرۋىمەن، 40 پايىزى اناپلازموز اۋرۋىنا شالدىعادى ەكەن. بۇل جانۋارلاردىڭ ءولىمى مەن ونىمدىلىكتىڭ تومەندەۋىنە الىپ كەلىپ، ايتارلىق ەكونوميكالىق زالال كەلتىرەدى دەيدى ماماندار.

سوندىقتان جوباعا سايكەس شارۋاقوجالىقتاعى ءىرى قارا مالداردىڭ پارازيتورلىق اۋرۋلارىن انىقتاۋ ءۇشىن ساراپتاما الىنىپ، «انتيگەن» عىلىمي-وندىرىستىك كاسىپورنىنا لابوراتوريالىق جۇمىستار جۇرگىزۋگە جولداندى. كەلەسى كەزەكتە ۇساق مالداردان الىنادى. وسىلايشا مال اۋرۋلارىنىڭ دەڭگەيىن انىقتاپ، جۇيەلى ەمدەۋ شاراسىن جۇرگىزۋگە مۇمكىندىك تۋادى.