شىمكەنتتە «ەڭبەك» مەملەكەتتىك باعدارلاماسىنىڭ ارقاسىندا جۇمىسسىزدار سانى ازايىپ، كاسىپ اشقانداردىڭ سانى ارتىپ كەلەدى. ولاردىڭ قاتارىندا اتالعان باعدارلاما شەڭبەرىندە ارنايى كۋرستاردا وقىپ، 200 اەك كولەمىندەگى قايتارىمسىز گرانتتى جەڭىپ كاسىپ اشقاندار بار. 

شىمكەنتتە «ەڭبەك» مەملەكەتتىك باعدارلاماسىنىڭ ارقاسىندا جۇمىسسىزدار سانى ازايىپ، كاسىپ اشقانداردىڭ سانى ارتىپ كەلەدى. ولاردىڭ قاتارىندا اتالعان باعدارلاما شەڭبەرىندە ارنايى كۋرستاردا وقىپ، 200 اەك كولەمىندەگى قايتارىمسىز گرانتتى جەڭىپ كاسىپ اشقاندار بار.  

بيىل مەملەكەتتىك گرانتقا قول جەتكىزگەن قالا تۇرعىنىنىڭ ءبىرى - سيەۆديور يحتيار ۇلى. ول وتكەن جىلى قالالىق حالىقتى جۇمىسپەن قامتۋ ورتالىعىنا جۇمىسسىز رەتىندە تىركەلىپ، 21 كۇندىك «بيزنەس باستاۋ» كاسىپكەرلىك نەگىزدەرگە وقىتۋعا جولداما العان. وقۋ اياقتالىسىمەن، قولىنداعى سەرتيفيكاتىمەن بيىل مەملەكەتتىك گرانتقا ءوتىنىم بەرىپ، «قۇيمالى بالمۇزداق»  ءىسى بويىنشا بيزنەس جوسپارىن ازىرلەدى. ناتيجەسىندە كوميسسيا جوباسىن ماقۇلداعان. 583 400 تەڭگەلىك گرانتقا قول جەتكىزىپ،  قاجەتتى قۇرال-جابدىقتاردى ساتىپ العان. بۇگىندە كۇنىنە 200-دەن استام دانا بالمۇزداق ساتىپ، ءىسىن دوڭگەلەتىپ وتىر.

شىمكەنتتىڭ ىستىق ماۋسىمىندا بالمۇزداق ساتۋ ءتيىمدى ىسكە اينالىپ وتىر. قالا تۇرعىندارىنىڭ دا سۇرانىسى ارتىپ، مەملەكەتتەن العان قاراجاتقا شاعىن قۇيمالى بالمۇزداق ساتاتىن دۇكەن اشتىم. الداعى ۋاقىتتا ءىسىمدى كەڭەيتەمىن دەگەن ويدامىن.

ايتا كەتسەك، بىلتىر 4828 ادام مەملەكەتتىك گرانت الدى. ونىڭ ىشىندە 407ء-سى كوپ بالالى وتباسى مۇشەلەرىنە، 2122ء-سى از قامتاماسىز ەتىلگەن وتباسىلارعا، 29-ى مۇگەدەك ازاماتتارعا ،1075ء-سى جاستارعا جانە 1195ء-ى وزگە ساناتتاعىلارعا بەرىلدى. بيىل 600 ازامات گرانتقا قول جەتكىزىپ، ءوز مۇمكىندىكتەرىن جۇزەگە اسىرۋدا.