العاش رەت شىمكەنت قالالىق وپەرا جانە بالەت تەاترىندا ساحنالاعانعان «دومالاق انا» قويىلىمى ەندى «استانا وپەرادا» ساحنالانباق. ول ءۇشىن شىمكەنتتىك ونەر ۇجىمى نۇر-سۇلتان قالاسىنا گاسترولدىك ساپارمەن اتتاندى. قويىلىمدى ەلوردا تۇرعىندارىمەن قوناقتارى 2ء-شى جانە 3-قىركۇيەك كۇندەرى «استانا وپەرا» تەاترىنان كەشكى ساعات 7-دەن باستاپ تاماشالاي الادى. سونىمەن قاتار، اتالعان قويىلىمدى الداعى ۋاقىتتا «اباي» تەلەارناسى دا كورەرمەن نازارىنا ۇسىنادى. ال، قويىلىمعا 230-داي اكتەر قاتىسپاق.

بۇل قالالىق وپەرا جانە بالەت تەاتر ۇجىمىنىڭ العاشقى الىس ساپارعا شىعۋى. سوندىقتان جولعا ۇزاق دايىندالىپتى. ونىڭ ءۇستىنى كارانتين كەزىندەگى دەمالىستاردا دايىندىقتى تەجەگەن. سوعان قاراماي ۇجىم تاعلىمى مەن تاريحي ءمانى تەرەڭ وپەرانى ساحنالاۋعا ءتاس-تۇيىن دايىن. ال، ولاردىڭ ۇلكەن ساحنادا ءساتتى ونەر كورسەتىپ كەلۋلەرىنە قالا اكىمىنىڭ ءبىرىنشى ورىنباسارى ساتتىلىك تىلەدى.

شىمكەنت قالاسىنىڭ وپەرا جانە بالەت تەاترىندا ۇلكەن وزگەرىستەر ورىن الىپ جاتقانىنا وزدەرىڭىز دە كۋاسىزدەر. الەمگە تانىمال مايرا مۇحامەد قىزى قالامىزعا كەلگەن سوڭ ەكى ايدىڭ ىشىندە «دومالاق انا» وپەراسىن ساحنالاپ شىقتى. ەندى سول قويىلىممەن ەلورداعا اتتانعالى وتىرسىزدار. جولدارىڭىز بولسىن! بۇل ساپار ەلىمىزدىڭ كونستيتۋسياسى كۇنى مەرەكەسىمەن قاتار كەلىپ وتىر. الداعى ون جىلدىڭ ىشىندە شىمكەنتتىڭ مادەنيەت سالاسىنىڭ شوقتىعى بۇدان دا بيىككە كوتەرىلەدى دەپ سەنەمىز. سەبەبى، قالا اكىمى مۇرات ايتەنوۆتىڭ باستاماسىمەن شىمكەنتتە ارنايى وپەرا زالى سالىنادى دەپ جوسپارلانىپ وتىر. نۇر سۇلتاننىڭ قويىلىمعا كەلگەن ءاربىر تۇرعىنى كەرەمەت اسەر الىپ قويىلىمدى جاقسى تامالاپ شىقسا وندا ماقساتتىڭ ورىندالعانى. سول ءۇشىن ساتتىلىك تىلەيمىن.

ايتىپ وتەيىك، «دومالاق انا» – تاۋەلسىز قازاقستان جىلدارىندا جازىلعان ەكىنشى وپەرا. جاڭا قويىلىم شىمكەنتتە العاش رەت ساحنالاندى. كوكتەمدە كورەرمەن نازارىنا ۇسىنىلعان قويىلىم وسى ۋاقىتقا دەيىن 29 رەت كورەرمەن نازارىنا ۇسىنىلعان. ءبىراق، ۇجىم بۇل جولى ەلوردالىق كورەرمەندەر ءۇشىن تولىقتىرۋلار ەنگىزىپتى.

وپەرا جانە بالەت تەاترىنىڭ ديرەكتورى مايرا مۇحامەد قىزىنىڭ ايتۋىنشا، پاندەمياعا بايلانىستى ەكى جىلدان بەرگى العاشقى ساپارعا ۇجىم تىڭعىلىقتى دايىندالعان.

ەندى ءقازىر ءبىز تولىقتاپ، بايدىبەك اتامىزدىڭ دا دانالىعىن دومالاق انانىڭ دا ابىز اناعا اينالعان دانالىعىن وسى جولى تولىقتاپ مونولوگ قوسىپ كىشكەنە رەتتەپ الدىق.

نۇر-سۇلتان قالاسىنا قويىلىمدى ساحنالاۋ ءۇشىن تەاتردىڭ 170-كە جۋىق قىزمەتكەرى اتتانسا، ەلوردادان 50-گە جۋىق مامان مەن ارنايى اسپاپتارمەن قوسىلىپ، «دومالاق انا» وپەراسى ناقىشىنا كەلتىرىپ ورىندالماق. ساپار الدىندا تەاتردىڭ باس سۋرەتشىسى باقتىباي كۇزەمبايەۆ ءساتتى ساپار تىلەپ، باتا بەردى. ءسويتىپ، باس-اياعى 230 ادام دومالاق انا وپەراسىنىڭ تولىقتىرىلعان نۇسقاسىن كورەرمەن نازارىنا ۇسىنادى.