پرەزيدەنت قاسىم-جومارت توقايەۆ ۇكىمەتكە قۇزىرلى ورگاندارمەن بىرلەسىپ جايىلىم جەرلەر ماسەلەسىنە قاتىستى ناقتى شارالار قابىلداۋدى تاپسىردى.
– جايىلىمدىق جەردى ءتيىمدى پايدالانۋ وتە ماڭىزدى. ءقازىر مال جاياتىن جەرگە شارۋالاردىڭ قولى جەتپەي ءجۇر. ويتكەنى مۇنداي القاپتاردى كەيبىر بەلگىلى ادامدار يەلەنىپ العان. ءتىپتى ونى ادام اياعى باسپايتىنداي ەتىپ قورشاپ تاستاعان، – دەدى ول.
توقايەۆ وسىعان بايلانىستى اكىمدەرگە ەسكەرتۋ جاسادى.
– اكىمدەر ءتۇرلى سەبەپتەردى سىلتاۋراتىپ ىقپالدى ادامداردىڭ ىعىنا جىعىلىپ، بۇل ماسەلەنى شەشە الماي وتىر. ۇكىمەت قۇزىرلى ورگاندارمەن بىرلەسىپ، وسى احۋالدى وزگەرتەتىن باتىل شارالار قابىلداۋعا ءتيىس. جەكە قوسالقى شارۋاشىلىقتاردىڭ مالىن جايىلىمدىق جەرمەن قامتاماسىز ەتۋ ماسەلەسىنە ايرىقشا نازار اۋدارۋدى تالاپ ەتەدى. بۇلاردىڭ ۇلتتىق مارتەبەسى جانە جەكە قوسالقى شارۋاشىلىقتارى بولەك زاڭدا كورىنىس تابۋى ءتيىس. ۇكىمەت بۇل زاڭ جوباسىن قىسقا مەرزىمدە ازىرلەۋى كەرەك، – دەدى مەملەكەت باسشىسى.
پرەزيدەنت سونداي-اق جايىلىمدىق جەرلەردىڭ كولەمىن ارتتىرۋ كەرەكتىگىنە نازار اۋداردى.
پىكىر قالدىرۋ