پرەزيدەنت قاسىم-جومارت توقايەۆ ەلدەگى ۆەتەريناريا ماماندارىنىڭ جالاقىسىن ارتتىرۋ كەرەك ەكەنىن ايتتى. بۇل تۋرالى قازاقستان حالقىنا ارنالعان جولداۋىندا حابارلادى.
– مال باسىنىڭ اماندىعى جانە ونىمدىلىگى جەرگىلىكتى ۆەتەرينارلاردىڭ ءتيىمدى جۇمىسىنا بايلانىستى. سوندىقتان بۇل سالادا ورتالىق پەن وڭىرلەر اراسىنداعى مىندەتتەر مەن قىزمەتتەر ناقتى ءبولىنۋ كەرەك. بۇل تۇپتەپ كەلگەندە اۋىلداعى اعايىننىڭ ءال-اۋقاتىنا تىكەلەي اسەر ەتەدى، – دەدى توقايەۆ.
پرەزيدەنت ۆەتەريناريا قىزمەتى قازىرگى زامان تالابىنا ساي بولماسا، اۋىل شارۋاشىلىعى ونىمدەرىنىڭ ەكسپورتىن ارتتىرۋ مۇمكىن ەمەس ەكەنىن اتاپ ءوتتى. سوندىقتان وسى سالادا جۇيەلى جۇمىس اتقارۋ قاجەت ەكەنىن ەسكەرتتى.
– اتاپ ايتقاندا ۇدەرىستەردى سيفرلاندىرۋ جانە مالىمەت جيناۋ، ونى اۆتوماتتاندىرۋ مامان دايىنداۋ جانە ولاردىڭ جالاقىسىن ارتتىرۋ تۋرالى ۇكىمەت جىل سوڭىنا دەيىن ۆەتەريناريا جۇمىسىن رەفورمالاۋ جونىندە ناقتى شارالار قابىلداۋى كەرەك، – دەدى پرەزيدەنت.
پىكىر قالدىرۋ