قازاقستانداعى اۋاسى ەڭ  لاس قالالاردىڭ ءتىزىمى بەلگىلى بولدى. بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ حابارلادى. 

– ەكولوگيالىق مونيتورينگتىڭ ناتيجەسى بويىنشا تەمىرتاۋ، نۇر-سۇلتان، الماتى، اقتوبە، اتىراۋ، وسكەمەن، قاراعاندى، بالقاش، جەزكازعان، شىمكەنت قالالارىنىڭ اتموسفەرالىق اۋاسى لاستانعانى انىقتالدى، – دەدى ول. 

وسى ورايدا مينيستر تومەندەگى شارالار قولعا الىنعالى جاتقانىن ايتتى.

– ەكولوگيالىق كودەكسكە سايكەس كاسىپورىندار ەڭ ۇزدىك قولجەتىمدى تەحنولوگيالاردى (ەۇقت) ەنگىزىلۋى كەرەك.  مينيسترلىك پەن كاسىپورىنداردىڭ اراسىندا مەموراندۋمدار مەن جول كارتالارىنا قول قويىلادى. ولارعا سايكەس كاسىپورىندار شىعارىندىلاردى 20% پايىزدان 30% پايىزعا دەيىن قىسقارتۋعا ءتيىس. 2025 جىلعا قاراي 10 قالاداعى ءبىرىنشى ساناتتاعى كاسىپورىندار ءۇشىن شىعارىندىلار ءليميتى 20% پايىزعا تومەندەتىلۋى كەرەك، –  دەدى ول.

سونداي-اق ماعزۇم مىرزاعالييەۆ شىعارىندىلاردى ازايتۋ ماقساتىندا اكىمدىكتەر ەلدى مەكەندەر مەن شارۋاشىلىق سۋبەكتىلەرىن گازداندىرۋدى جالعاستىرۋ قاجەت ەكەنىن، جانە قوعامدىق، كوممۋنالدىق كولىكتەردى گاز جانە ەلەكتر كولىگىنە اۋىستىرۋ جۇمىسىن ودان ءارى جۇزەگە اسىرۋ كەرەكتىگىن اتاپ ءوتتى.