سەنات دەپۋتاتتارى ءبىر كۇندىك جالاقىسىن جامبىل وبلىسىنداعى جارىلىستان قازا تاپقاندار مەن زارداپ شەككەندەردىڭ وتباسىنا اۋدارادى. بۇل تۋرالى بۇگىنگى سەنات وتىرىسىندا ماۋلەن اشىمبايەۆ مالىمدەدى.
– جامبىل وبلىسى بايزاق اۋدانىندا بولعان توتەنشە جاعداي ءبارىمىزدىڭ قابىرعامىزدى قايىستىردى. بۇگىندە پرەزيدەنتتىڭ تاپسىرماسى بويىنشا جارىلىستان قازا بولعانداردىڭ وتباسىنا جانە زارداپ شەككەندەرگە كومەك كورسەتىلىپ جاتىر. وسىعان بايلانىستى سەنات دەپۋتاتتارىنىڭ ءبىر كۇندىك جالاقىسىن زارداپ شەككەندەردى قولداۋعا ارنالعان قورعا اۋدارۋ تۋرالى ۇسىنىس بار، – دەدى ماۋلەن اشىمبايەۆ سەناتتىڭ جالپى وتىرىسىندا.
بۇل ۇسىنىسقا سەناتورلار قارسىلىق بىلدىرگەن جوق.
– وسى ۇسىنىستى قابىلدايمىز. اپپارات ءتيىستى جۇمىستى ۇيىمداستىرادى، – دەدى سەنات ءتوراعاسى.
26 تامىزدا جامبىل وبلىسى بايزاق اۋدانىنداعى اسكەري بولىمدە جارىلىس بولىپ، 15 ادام قازا تاپقان.
پىكىر قالدىرۋ