تاۋەلسىزدىكتىڭ 30 جىلدىعىنا بايلانىستى قازاقستاندا امنيستيا جۇزەگە اسىرىلادى. قىلمىستىق-اتقارۋ جۇيەسى كوميتەتى وسى جولعى راقىمشىلىققا كىم ءىلىنىپ بوستاندىققا شىعاتىنىن ءتۇسىندىردى. بۇل تۋرالى Polisia.kz حابارلادى.
ءماجىلىسىنىڭ دەپۋتاتتارى "ق ر تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى" زاڭ جوباسىن قاراۋعا كىرىستى.
قاراستىرىلىپ وتىرعان زاڭ جوباسى مەملەكەت قاۋىپسىزدىگىنە ۇلكەن قاتەر توندىرمەيتىن قىلمىستار بويىنشا سوتتالعان ادامداردى جازادان بوساتۋدى ماقسات ەتەدى.
سونداي-اق سوتتالۋشىلاردىڭ جازا مەرزىمى قىسقارتىلادى.
"راقىمشىلىققا ىلىنەتىن ساناتتاعى ادامدار توبىن قاراۋ كەزىندە قالعان زالالدى تولىق وتەۋى، سونداي-اق وسى زاڭ قولدانىسقا ەنگىزىلگەن كۇنى جازاسىن وتەۋگە ءبىر جىلدان اسپايتىن ۋاقىت تەرىس مىنەز-قۇلىق دارەجەسىنىڭ بولماۋى ەسكەرىلەدى" دەپ حابارلادى قاج كوميتەتى.
زاڭ جوباسى جەرگىلىكتى اتقارۋشى ورگانداردىڭ ەڭبەككە قابىلەتتى ادامداردى جۇمىسقا ورنالاستىرۋىن قامتاماسىز ەتۋدە، سونداي-اق باس بوستاندىعىنان ايىرۋ ورىندارىنان بوساپ شىققاندارعا الەۋمەتتىك جانە وزگە دە كومەك كورسەتۋدە شارالار قابىلداۋىن كوزدەيدى.
راقىمشىلىق كامەلەتكە تولماعاندارعا جىنىستىق تيىسپەۋشىلىككە قارسى قىلمىس جاساعاندارعا، جەمقورلارعا، ادام ولتىرگەندەر مەن ەكسترەميستەرگە، قىلمىستىق توپتاردىڭ بۇرىنعى قاتىسۋشىلارىنا قاتىستى قولدانىلمايدى.
قاج كوميتەتى 30 جىل ىشىندە قازاقستاندا 8 راقىمشىلىق جاسالعانىن، سوڭعى 4 راقىمشىلىق قازاقستان رەسپۋبليكاسىنىڭ تاۋەلسىزدىك كۇندەرىنە ورايلاستىرىلعانىن اتاپ ءوتتى.
پىكىر قالدىرۋ