"تاليبان" راديكالدىق قوزعالىسىنىڭ وكىلدەرى 7 قىركۇيەكتە كابۋلدا نارازىلىققا شىققان جەرگىلىكتى حالىققا وق جاۋدىردى، دەپ حابارلادى يزۆەستيا اقپارات اگەنتتىگى.
ۆيدەودا تالىپتەر شەرۋشىلەردى تاراتۋ ءۇشىن اسپانعا بىرنەشە رەت وق اتقانى كورىنەدى. بەيرەسمي اقپاراتتارعا قاراعاندا، نارازىلىققا شىققان حالىقتى ۇستاپ اكەتكەن.
بۇعان دەيىن "تاليبان" قوزعالىسىنىڭ وكىلدەرى اۋعانستان اۋماعىندا اۋەگە وق اتۋعا تىيىم سالعان بولاتىن. نارازىلىققا شىققان اۋعاندىقتار پاكىستاندىقتارعا قارسى ۇراندار ايتىپ، ولار اۋعانستاننىڭ ىشكى ىستەرىنە ارالاسادى دەپ ايىپتايدى.
اۋعانستانداعى جاعداي 2021 جىلدىڭ مامىرىندا امەريكالىق اسكەرلەردى شىعارۋ باستالعاننان كەيىن شيەلەنىسە ءتۇستى. تاليبان وكىلدەرى ەلدىڭ ءىرى قالالارىنا شابۋىل باستاپ، 15 تامىزدا كابۋلعا كىرىپ، سوعىستىڭ اياقتالعانىن حابارلادى.
پىكىر قالدىرۋ