اقش پرەزيدەنتى دجو بايدەن رەسەي، يران جانە جۇڭگو تالىپتەرمەن كەلىسىمگە كەلۋگە تىرىساتىنىن ايتتى، دەپ حابارلادى Reuters اقپارات اگەنتتىگى.
– پاكىستان، رەسەي، يران سياقتى جۇڭگو دا تالىپتەرمەن كەلىسىمگە كەلۋگە تىرىسادى. ولاردىڭ ءبارى ءقازىر نە ىستەۋ كەرەكتىگىن شەشۋگە كىرىسىپ كەتتى، – دەدى بايدەن.
جاقىن ارادا اۋعانستاننىڭ جاڭا ۇكىمەتى جۇمىسقا كىرىسەتىنىن حابارلادى. رەسەي مەن باسقا دا ءبىرقاتار ەلدەر راديكالدىق قوزعالىس وكىلدەرىنەن اۋعانستاننىڭ جاڭا ۇكىمەتىن تانىستىرۋ راسىمىنە شاقىرتۋ الدى.
رەسەيدىڭ سىرتقى ىستەر ءمينيسترى سەرگەي لاۆروۆ رەسەي اۋعانستاننىڭ جاڭا ۇكىمەتىن جاريالاۋ راسىمىنە قاتىسۋعا دايىن ەكەنىن ايتتى.
ەسكە سالا كەتەيىك، اۋعانستانداعى جاعداي 2021 جىلدىڭ مامىرىندا امەريكالىق اسكەرلەردى شىعارۋ باستالعاننان كەيىن شيەلەنىسە ءتۇستى. تاليبان وكىلدەرى ەلدىڭ ءىرى قالالارىنا شابۋىل باستاپ، 15 تامىزدا كابۋلعا كىرىپ، سوعىستىڭ اياقتالعانىن حابارلادى.
پىكىر قالدىرۋ