"اق جول" دەموكراتيالىق پارتياسى جەلتوقسان وقيعاسىنىڭ 35 جىلدىعى قارساڭىندا "جەلتوقسان كوتەرىلىسىن – ۇلت ازاتتىق كوتەرىلىس رەتىندە تانۋ" ماسەلەسىن كوتەردى.
ۆيسە-پرەمەر ەرالى توعجانوۆقا جولدانعان دەپۋتاتتىق ساۋالدا جەلتوقسان وقيعاسى كەزىندە قازا تاپقان ءلاززات اسانوۆا، ەربول سىپاتايەۆ، ءسابيرا مۇحامەدجانوۆالارعا "حالىق قاھارمانى" اتاعىن بەرۋدى ۇسىندى.
بۇدان بولەك پارتيا دەپۋتاتتارى تومەندەگىدەي بىرنەشە ناقتى شارالار تىزبەگىن ۇسىندى.
- 1986 جىلعى 17-18 جەلتوقسانداعى كەڭەستىك قىزىل يمپەرياعا قارسى شىققان جەلتوقسان كوتەرىلىسى – ۇلت ازاتتىق كوتەرىلىس رەتىندە تانىلىپ، باعالانۋى قاجەت.
جەلتوقساندىقتارعا "جەلتوقسان كوتەرىلىسىنە قاتىسۋشى" قۇقىقتىق مارتەبەسى بەرىلۋى كەرەك.
- قازاقستان پرەزيدەنتى ق.توقايەۆ ەلىمىزدەگى ايرىقشا اتاۋلى كۇندەر قاتارىندا اتاعان جەلتوقسان كوتەرىلىسىنىڭ 35 جىلدىعى رەسمي دەڭگەيدە اتاپ ءوتىلۋى كەرەك.
- جاپپاي ساياسي قۋعىن-سۇرگىندەر قۇرباندارىن اقتاۋ تۋرالى زاڭعا جەلتوقسان كوتەرىلىسىنە قاتىسۋشىلاردى قولداپ، كوتەرمەلەيتىن ارنايى وزگەرىس ەنگىزىلۋى كەرەك.
- جەلتوقسان كوتەرىلىسىنە قاتىسىپ، وقۋدان، جۇمىستان شىعىپ قالعانىن ءالى راستاي الماي جۇرگەن ازاماتتاردى "جەلتوقسان كوتەرىلىسىنە قاتىسۋشى" رەتىندە تانۋدا قولدان جاسالعان قاپتاعان كەدەرگىلەردى جويىپ، انىقتاما الۋدى جەڭىلدەتۋ كەرەك.
- ازاتتىقتىڭ العاشقى قارلىعاشتارى – جەلتوقسان قاھارماندارىنىڭ ازاماتتىق ەرلىگى لايىقتى باعاسىن الىپ، جوسپارلى تۇردە ناسيحاتتالۋى ءتيىس. جاستارىمىزعا پاتريوتتىق تاربيە بەرۋ ءۇشىن وقۋلىقتاردا جەتكىلىكتى جازىلۋى قاجەت.
قازاقستان قالالارىندا جەلتوقسان قاھارماندارىنا ارنالعان الاڭدار اشىلىپ، مونۋمەنتتەر ورناتىلۋى ءتيىس.
