دەنساۋلىق ساقتاۋ ءبىرىنشى ۆيسە-مينيسترى مارات شورانوۆ جالعان ۆاكسينا پاسپورتىن جاساعان مەديسينا قىزمەتكەرلەرىنىڭ ۇستىنەن قىلمىستىق ءىس قوزعالعانىن ايتتى. بۇل تۋرالى ول ورتالىق كوممۋنيكاسيالار الاڭىندا وتكەن بريفينگتە مالىمدەدى.
– دەنساۋلىق ساقتاۋ مينيسترلىگى ءبىرىنشى كەزەكتە حالىقتى يممۋنداۋدى ساپالى جۇرگىزۋگە مۇددەلى. سوندىقتان ونداي ولقىلىقتاردىڭ جولىن بارىنشا قاتاڭ تۇردە كەسۋىمىز كەرەك. وزدەرىڭىز بىلەسىزدەر، ىشكى ىستەر مينيسترلىگىمەن بىرلەسكەن جۇمىس ءجۇرىپ جاتىر. وڭىرلەردىڭ بارىندە دەرلىك جالعان ۆاكسينا پاسپورتىن جاساعان مەديسينا قىزمەتكەرلەرىنىڭ ۇستىنەن قىلمىستىق ءىس قوزعالدى، – دەدى شورانوۆ.
ۆيسە-مينيستر ۆاكسينا پاسپورتىن زاڭسىز جولمەن ساتىپ الۋ ارەكەتتەرىمەن ءالى دە كۇرەس جۇرگىزىلەتىنىن اتاپ ءوتتى.
پىكىر قالدىرۋ