قاسىم-جومارت كەمەل ۇلىنىڭ بيىلعى جولداۋى ءوزىنىڭ ناقتىلىعىمەن جانە ماقساتتىلىعىمەن ەلدىڭ الداعى جىلدارعا ارنالعان الەۋمەتتىك-ەكونوميكالىق دامۋىنىڭ باسىم باعىتتارىن ايقىندايدى. مۇنى پرەزيدەنتىمىزدىڭ «مەنىڭ باستامالارىم- حالىقتىڭ ءال-اۋقاتىن ارتتىرۋعا باعىتتالعان» دەگەن سوزىنەن-اق اڭعارۋعا بولادى. بۇل ناقتى پراكتيكالىق ىستەر باعدارلاماسى، ءسوزسىز، بارلىق قازاقستاندىقتارعا، ەڭ الدىمەن، بىزگە، زيالى قاۋىمنىڭ الدىڭعى قاتارلى بولىگى – عالىمدار مەن پەداگوگتەرگە قاتىستى»، - دەپ اتاپ كورسەتتى.
جولداۋدا كوتەرىلگەن ماسەلەلەر بارلىق قازاقستاندىقتاردى، ءبىرىنشى كەزەكتە ۇستازدار قۇرامىن بەي-جاي قالدىرمايدى. جولداۋدا ەلىمىزدىڭ ءال-اۋقاتىن دامىتۋ مەن ەكونوميكاسىن جەتىلدىرۋ جولىنداعى ۇستانعان باستى باسىمدىقتارىنىڭ ءبىرى ءبىلىم بەرۋ سالاسى ەكەندىگى باسا كورسەتىلدى. پرەزيدەنت جولداۋىنىڭ ءبىر باعىتى ساپالى ماسەلەلەرىنە ارنالعانى قۋانتادى.
«ءبىز ۇستازداردى قولداۋ ساياساتىن جالعاستىرا بەرەمىز. قازىرگى جاھاندىق وزگەرىستەر كەزەڭىندە تۇلەكتىڭ ءبىلىمى ەڭبەك نارىعىنا شىققانعا دەيىن-اق جەتكىلىكسىز بولىپ قالۋى ابدەن مۇمكىن. سوندىقتان، قۇزىرلى مينيسترلىكتىڭ الدىندا وقۋ باعدارلامالارىن جاڭا جاعدايعا بەيىمدەۋ مىندەتى تۇر. بۇل – كەزەك كۇتتىرمەيتىن شارۋا. پاندەميا كەزىندە قاشىقتان وقىتۋدىڭ ناتيجەسى ۇلتتىق تەلەكوممۋنيكاسيا جەلىلەرىنىڭ تيىمدىلىگى تومەن ەكەنىن كورسەتتى. مۇنداي احۋال نەگىزگى، قاراپايىم ءبىلىمنىڭ ءوزىن مەڭگەرە الماعان وقۋشىلاردىڭ سانى ارتۋىنا اكەپ سوقتى. تاعى ءبىر پروبلەما، ناعىز قيىندىق وسى دەۋگە بولادى، بالالار وقۋىن تاستاپ كەتىپ جاتىر. ويتكەنى ءبىلىم الۋدى قاجەت دەپ سانامايتىن بولدى. ۇكىمەتكە بۇل ماسەلەمەن، اتاپ ايتقاندا قاشىقتان ءبىلىم بەرۋگە قاجەتتى اقپاراتتىق جۇيەنىڭ ساپاسىن جاقسارتۋمەن مىقتاپ اينالىسۋدى تاپسىرامىن. ءبىزدىڭ ءبىلىم بەرۋ جۇيەمىز قولجەتىمدى ءارى ينكليۋزيۆتى بولۋعا ءتيىس. سونىمەن بىرگە، جاعىمدى جاڭالىعىمىز دا بار. بيىل بىرنەشە وقۋشى حالىقارالىق ءپان وليمپيادالارىنىڭ جەڭىمپازدارى مەن جۇلدەگەرلەرى اتاندى. ونداي دارىندى بالالارعا جان-جاقتى قولداۋ كورسەتۋ قاجەت. ءبىز ولارعا جوعارى وقۋ ورنىنا ءتۇسۋ ءۇشىن كونكۋرستان تىس گرانتتار بەرەمىز. ءبىر رەتتىك اقشالاي سىياقى دا تولەيمىز. بالالاردىڭ ۇستازدارىن دا مورالدىق جانە ماتەريالدىق تۇرعىدان ىنتالاندىرعان ءجون. تۇرمىسى تومەن وتباسىندا ءوسىپ جاتقان بالالارعا ورتا ءبىلىم بەرۋدىڭ جالپىعا مىندەتتى ستاندارتى اياسىندا قولداۋ كورسەتۋ ايرىقشا ماڭىزدى. ماتەريالدىق قولداۋ كورسەتۋ شارالارىن «سيفرلى ۇستاز» ءبىلىم بەرۋ جوباسىمەن تولىقتىرعان ءجون. ءبىلىم بەرۋ جۇيەسىنە جىگەرلى ءارى بىلىكتى ماماندار قاجەت. مۇعالىمدەردى قازىرگىدەي 5 جىلدا ەمەس، 3 جىلدا ءبىر رەت قايتا دايارلىقتان وتكىزۋىمىز كەرەك دەپ سانايمىن. ويتكەنى ولار شاكىرتىنىڭ بويىنا جاڭا ءبىلىم سىڭىرە الاتىنداي ناعىز اعارتۋشى بولۋعا ءتيىس. بۇل رەتتە، ۇستازداردىڭ كۋرستان ءوتۋ ءۇشىن ءوز قالتاسىنان اقشا تولەۋىنە جول بەرىلمەيدى. ورتا ءبىلىم بەرۋ جۇيەسىندەگى وتكىر پروبلەمانىڭ ءبىرى – مەكتەپتەردەگى ورىن تاپشىلىعى. 225 مىڭ وقۋشىعا ورىن جەتىسپەيدى. شۇعىل شارا قابىلداماساق، 2025 جىلعا قاراي ورىن تاپشىلىعى 1 ميلليونعا جەتەدى. مەن 2025 جىلعا دەيىن كەمىندە 800 مەكتەپ سالۋ تۋرالى تاپسىرما بەرگەن بولاتىنمىن. بۇگىن ونىڭ سانىن ءبىر مىڭعا جەتكىزۋدى مىندەتتەيمىن»، - دەپ باسا ايتتى ق.-ج. توقايەۆ.
«مينيسترلىك ءبىلىمدى زامانعا بەيىمدەۋى قاجەت»، «بىلىكتى ماماندار كەرەك» دەگەن ۋاجدەرى ۇلكەن مىندەت جۇكتەيدى. بۇگىندە بۇل كوتەرىلگەن ماسەلەنىڭ جاي عانا ءسوز ەمەس، ءىس جۇزىندە جۇزەگە اسىپ جاتقاندىعىنىڭ كۋاگەرىمىز.
ق ر پرەزيدەنتى وتكەن جىلى ۇكىمەتكە پەداگوگ مارتەبەسىن جانە مۇعالىمدەردىڭ جالاقىسىن ارتتىرۋدى، وتاندىق عالىمدارعا ەرەكشە نازار اۋدارۋدى، ءبىلىم بەرۋ سالاسىن جان-جاقتى قولداۋدى تاپسىرعان بولاتىن.
حالىقارالىق وليمپيادا جەڭىمپازدارىنا، وقۋشىلارعا كونكۋرسسىز گرانت بەرۋ، جەتەكشىلەرىنە ماتەريالدىق قولداۋ كورسەتۋ كەرەكتىگىنە نازار اۋدارىلعانى دا ماڭىزدى.
ەل پرەزيدەنتىنىڭ قازاقستان حالقىنا كەزەكتى جولداۋى – قازاقستان رەسپۋبليكاسىنىڭ ازاماتتارى ءۇشىن تاريحي جاعداي. قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ بيىلعى حالىققا جولداۋىندا ەل مەن قوعامنىڭ ودان ءارى دامۋىنىڭ پايىمى باياندالىپ، قازاقستاندىقتاردىڭ ءومىر ءسۇرۋ ساپاسىن ارتتىرۋعا باعىتتالعان ماڭىزدى ستراتەگيالىق مىندەتتەر بەلگىلەنگەن.
قورىتا ايتقاندا، پرەزيدەنت جولداۋىنان كەيىنگى ءتۇيىن – جوعارى ءبىلىم بەرۋ سالاسىنىڭ الدىندا كاسىبي كادرلاردى دايارلاۋ تۇرعىسىنان مەملەكەتتىڭ ءۇمىتىن اقتاۋ مىندەتى تۇر. ياعني، جاسامپاز شىعارماشىلىق كاسىبي مامانداردى دايىنداپ، ەل يگىلىگىنە قىزمەت ىستەۋگە جۇمىلدىرۋ. دەمەك، اكادەميالىق قاۋىمداستىقتىڭ ەندىگى ءىسى – قازاقستاندىق ءبىلىمدى ءبىلىم بەرۋدەگى الەمدىك كوشباسشىلاردىڭ دەڭگەيىنە شىعارۋ. وسىناۋ يگىلىكتى ىستەردىڭ ناتيجەلى بولۋىنا سەنىم بىلدىرەمىن جانە ءوز ۇلەسىمدى قوسۋعا مۇددەلىمىن دەپ سانايمىن.
بەگالييەۆا ا.ك.، ءال-فارابي اتىنداعى قازاق ۇلتتىق ۋنيۆەرسيتەتى جوو-عا دەيىنگى دايىندىق كافەدراسىنىڭ اعا وقىتۋشىسى
پىكىر قالدىرۋ