جۇڭگو ءتوراعاسى سي سزينپين امەريكالىق ارىپتەسى دجو بايدەنمەن تەلەفون ارقىلى سويلەستى. بۇل – ولاردىڭ سوڭعى جەتى ايداعى العاشقى قوڭىراۋى.
اق ءۇي مالىمدەمەسىندە ەكى كوشباسشى "باسەكەلەستىك قاقتىعىستارعا جول بەرمەۋ ءۇشىن ەكى ەلدىڭ جاۋاپكەرشىلىگىن تالقىلادى" دەلىنگەن.
بۇل – پرەزيدەنت بايدەن قىزمەتكە كىرىسكەننەن بەرى ولاردىڭ اراسىنداعى ەكىنشى قوڭىراۋ.
اقش-قىتاي قارىم-قاتىناسى شيەلەنىستى جاعدايدا. ەكى ەل اراسىندا ساۋدا، تىڭشىلىق جانە پاندەميا سياقتى ماسەلەلەر بويىنشا قاقتىعىستار بولعان.
"ەكى كوشباسشى كەڭ، ستراتەگيالىق ماسەلەلەردى تالقىلادى. وندا ولار ءبىزدىڭ مۇددەلەرىمىز تۇيىسەتىن جانە ءبىزدىڭ مۇددەلەرىمىز، قۇندىلىقتارىمىز بەن پەرسپەكتيۆالارىمىز بىر-بىرىنەن ايىرماشىلىعى بار سالالاردى تالقىلادى" دەلىنگەن اق ءۇيدىڭ مالىمدەمەسىندە.
پىكىر قالدىرۋ