جامبىلداعى جارىلىستان زارداپ شەككەن تاعى ءبىر ءورت ءسوندىرۋشى قايتىس بولدى. بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى حابارلادى. 

"بۇگىن جامبىل وبلىسىنداعى جارىلىستان زارداپ شەككەن 1993 جىلى تۋعان ءورت ءسوندىرۋشى جانىبەك تۇرمانوۆ جاسۇزاق ۇلى قايتىس بولدى. بۇعان دەيىن ول نۇر-سۇلتان قالاسىنداعى تراۆماتولوگيا جانە ورتوپەديا عىلىمي-زەرتتەۋ ينستيتۋىنىڭ اۋرۋحاناسىنا جەتكىزىلىپ، سول جەردە ەم الىپ جاتقان بولاتىن" دەلىنگەن حابارلامادا.

جامبىل وبلىسىندا ءوق-دارى قويماسىنداعى جارىلىستان قازا تاپقاندار سانى 17 ادامعا جەتتى. ولار ازاماتتىق قورعاۋ ورگاندارىنىڭ 10 قىزمەتكەرى، قورعانىس مينيسترلىگىنىڭ 6 اسكەري قىزمەتكەرى جانە ءبىر اسكەري پروكۋرور.

جارىلىستان قازا تاپقانداردىڭ تولىق ءاتى-جونى:

ەفرەيتور ر.س.جانبولاتوۆ – 40 جاستا

سەرجانت م.س.مەرشىمباي – 40 جاستا

ستارشينا ە.ە.نادىربەكوۆ – 41 جاستا

ازاماتتىق قىزمەتكەر و.د.دالىبايەۆ – 59 جاستا

وڭتۇستىك ءوڭىردىڭ اسكەري پروكۋرورى ا.ق.قاپەزوۆ – 44 جاستا

سەرجانت-ورت ءسوندىرۋشى ا.س.تەمىربولاتوۆ – 28 جاستا

پولكوۆنيك م.ك.ايمانوۆ – 45 جاستا

پودپولكوۆنيك ا.ن.ميكروپۋلو – 50 جاستا

سەرجانت، اعا ءورت قۇتقارۋشىسى ە.ق.ساندىبايەۆ – 30 جاستا

سەرجانت، اعا ءورت قۇتقارۋشىسى ت.ق.تورەبەكوۆ – 40 جاستا

مايور س.ج.الىمبەكوۆ – 36 جاستا

مايور، قاراۋىل باسشىسى س.ۆ.زايكين – 41 جاستا

اعا سەرجانت، جۇرگىزۋشى گ.ج.قۋاتبەك – 26 جاستا

كىشى سەرجانت، ءورت قۇتقارۋشىسى ءا.ق.ادىلبەك – 25 جاستا

قاتارداعى ءورت ءسوندىرۋشى ءا.ب.كەڭەس – 22 جاستا

ءورت ءسوندىرۋشى جانىبەك تۇرمانوۆ جاسۇزاق ۇلى – 28 جاستا