پرەزيدەنت قاسىم-جومارت توقايەۆ جامبىل وبلىسىنداعى جارىلىستا ەرلىكپەن قازا تاپقانداردى مەملەكەتتىك ناگرادامەن ماراپاتتادى. بۇل تۋرالى اقوردا سايتى حابارلادى.

اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى ءۇشىن:

ءى دارەجەلى «ايبىن» وردەنىمەن

الىمبەكوۆ سايات جانات ۇلى (مارقۇم) - قورعانىس مينيسترلىگى № 28349 اسكەري ءبولىمى كومانديرىنىڭ ورىنباسارى (ماتەريالدىق-تەحنيكالىق قامتاماسىز ەتۋ بويىنشا) – ماتەريالدىق-تەحنيكالىق قامتاماسىز ەتۋ ءبولىمىنىڭ باستىعى.

زايكين سەرگەي ۆلاديميروۆيچ (مارقۇم) - توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 3 ءورت ءسوندىرۋ ءبولىمىنىڭ قاراۋىل باستىعى.

قىرعىزالييەۆ ەرلان رىسقۇلبەك ۇلى (مارقۇم) - قورعانىس مينيسترلىگى № 28349 اسكەري ءبولىمى ساقتاۋ (ينجەنەرلىك-وق دارىلەردى) بولىمشەسىنىڭ باستىعى – اعا وفيسەرى.

ءىىى دارەجەلى «ايبىن» وردەنىمەن

ادىلبەك ادىلەت  قاناتبەك ۇلى (مارقۇم) - توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 4 ءورت ءسوندىرۋ ءبولىمىنىڭ ءورت ءسوندىرۋشىسى-قۇتقارۋشىسى.

كەڭەس ءالىبي بەكسۇلتان ۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 4 ءورت ءسوندىرۋ ءبولىمىنىڭ ءورت ءسوندىرۋشىسى-قۇتقارۋشىسى.

قۋاتبەك عافان جومارت ۇلى (مارقۇم) –توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 1 مامانداندىرىلعان ءورت ءسوندىرۋ ءبولىمىنىڭ اۆتوموبيل جۇرگىزۋشى-قىزمەتكەرى.

تۇرمانوۆ جانىبەك جاسۇزاق ۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 1 مامانداندىرىلعان ءورت ءسوندىرۋ ءبولىمىنىڭ  ءورت ءسوندىرۋشىسى-قۇتقارۋشىسى. 

29 تامىز كۇنى پرەزيدەنت قاسىم-جومارت توقايەۆتىڭ جارلىعىمەن جامبىل وبلىسىنداعى جارىلىستا قازا تاپقان اسكەري قىزمەتكەرلەردى ءى جانە ءىىى دارەجەلى "ايبىن" وردەنىمەن ماراپاتتاعان بولاتىن.

26 تامىز كۇنى كەشكى ساعات 19.00 شاماسىندا جامبىل وبلىسىنىڭ بايزاق ءاۋدانىنداعىوق-دارى قويماسىنان ءورت شىعىپ، جويقىن جارىلىس بولعان. جارىلىس سالدارىنان 17 ادام قازا تاۋىپ، اسكەري ءبولىم ماڭىنداعى قاينار اۋىلىندا جيىرماعا جۋىق ۇيگە زاقىم كەلگەن.

قايتىس بولعاندكر اراسىندا ازاماتتىق قورعاۋ ورگاندارىنىڭ 10 قىزمەتكەرى، قورعانىس مينيسترلىگىنىڭ 6 اسكەري قىزمەتكەرى جانە ءبىر اسكەري پروكۋرور.