اۋعانستاننان كەلگەن 35 ەتنيكالىق قازاقتىڭ ءارقايسىسىنا 204 مىڭ تەڭگەدەن بولىنەدى. سونىمەن قوسا، جىل بويى اي سايىن 87 مىڭ 500 تەڭگە كومەك كورسەتىلەدى. بۇل – باسپانا جالداۋ ءۇشىن بەرىلەتىن كومەك، دەپ حابارلادى 31 تەلەارنا.
ەتنيكالىق قازاقتار اقمولا، قوستاناي، پاۆلودار، شىعىس قازاقستان جانە سولتۇستىك قازاقستان وبلىستارىنا قونىستانسا عانا الادى. ديپلومى بار ادامداردىڭ ماماندىق بويىنشا جۇمىسقا تۇرۋىنا دا كومەك كورسەتىلەدى. ال ءبىلىمى جوقتاردى ارنايى كۋرستا وقىتۋ كوزدەلگەن.
– بارلىق تۇسىندىرمە جۇمىستارى جۇرگىزىلدى. ءقازىر مينيسترلىك تاراپىنان ول كىسىلەردى تۇراقتاندىرۋ تۋرالى جۇمىس جۇرگىزىلىپ جاتىر، – دەدى الماتى قالاسى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى.
پىكىر قالدىرۋ