الماتى وبلىسى ۇيعىر اۋدانى اۆات اۋىلىندا 46 جاستاعى مەكتەپ ديرەكتورى اسىلىپ قالعان، دەپ حابارلادى exk.kz سايتى.
“قول استىنداعى قىزمەتكەرى مەن ءبىلىم وشاعى باسشىسىنىڭ اراسىندا جانجال بولعان. مەكتەپتە قۇيتىرقى ارەكەتتەرگە بارعان ءۇشىن پەداگوگ جۇمىستان شىعارىلعان. دەسەك تە الگى قىزمەتكەر سوت ارقىلى قايتا ورالىپ، ديرەكتورعا قوقان-لوققى كورسەتكەن. سوتتىڭ بارلىق ينستانسيالارى ارقىلى شاعىم تۇسىرگەن” دەلىنگەن جازبادا.
مارقۇم ازيزجان دارايەۆ 2011 جىلدان بەرى گ. سادۆاكاسوۆ اتىنداعى مەكتەپتىڭ ديرەكتورى بولىپ جۇمىس ىستەگەن.
قازىرگى تاڭدا مەكتەپ ديرەكتورىنىڭ ولىمىنە قاتىستى قىلمىستىق ءىس قوزعالىپ، تەرگەۋ امالدارى جۇرگىزىلۋدە. مارقۇمنىڭ مۇنداي ارەكەتكە نە سەبەپتى بارعانى انىقتالىپ جاتىر.
پىكىر قالدىرۋ