سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين "قازاقستاندىقتاردىڭ بارلىق جەكە دەرەگى رەسەيگە قولجەتىمدى بولادى" دەگەن اقپاراتقا تۇسىنىكتەمە بەردى. بۇل تۋرالى ول facebook پاراقشاسىندا جازدى.
– بىرىنشىدەن، ەGov.kz پورتالى تەك قانا قازاقستانعا تيەسىلى جانە ەشكىمگە بەرىلمەيدى. "قازاقستاندىقتاردىڭ بارلىق دەرەكتەرى رەسەي فەدەراسياسىنا قولجەتىمدى بولادى" دەگەن تۇسىنىك قيسىنسىز، – دەدى ول.
ءمينيستردىڭ سوزىنشە، قازاقستان تاۋەلسىزدىك العالى كوپتەگەن مەكەمەلەر اقپاراتتىق تۇرعىدا شەتەلدىك قۇرىلىمدارمەن جۇمىس ىستەگەن.
– دەسە دە ولاردىڭ ءبارى ءبىزدىڭ مالىمەتتەردى الا الادى دەگەن ءسوز ەمەس. ەلەكتروندىق ۇكىمەتكە كەلەتىن بولساق، بۇل جەردە بىرەۋ بىرەۋگە اقپارات بەرەدى دەگەن سۇرا تۋىنداماۋى دا كەرەك.
ەGov.kz — بۇل بارلىق مەملەكەتتىك بازالارمەن قۇرسىم ارقىلى قوسىلعان "ۆيترينا" عانا. بۇل بازالارعا نەمەسە جۇيەلەرگە ەشكىم ەشقاشان قول جەتكىزە المايدى. وتكەن ايدا باستالعان تالداۋ قازاقستاندىق مەملەكەتتىك سەكتوردا 400 + اقپاراتتىق جۇيە بار ەكەنىن كورسەتتى. بۇل مەملەكەتتىك جىلجىمايتىن مۇلىك بازاسى سياقتى ءىرى بازالاردان باستاپ، وليمپيادا جۇلدەگەرلەرى تىركەلگەن شاعىن بازالارعا دەيىن.
اعىمداعى كەزەڭدە ءبىزدىڭ مىندەتىمىز – ءارتۇرلى تەحنولوگيالاردا جازىلعان، كەيدە باعدارلاماشى ەتيكاسى ەسكىرگەن جۇزدەگەن جۇيەلەردىڭ ورنىنا، بارلىق دەرەكتەر ءبىرىڭعاي پلاتفورمادا رەتتەلگەن جانە تۇسىنىكتى بولاتىن ونداعان جۇيەلەرگە ءوتۋ. ءقازىر eGov-تى ميلليونداعان ەسكى قۇرىلعىلارمەن سالىستىرۋعا بولادى، ولاردىڭ ورنىنا ءبىز ساپالى زاماناۋي تەحنولوگيامەن جابدىقتالعان پلاتفورمانى ورناتقىمىز كەلەدى، – دەپ جازدى باعدات مۋسين.
