الەمدەگى ورىن العان پاندەميا دارىگەرلىكتىڭ اسا قاجەتتى ماماندىق ەكەنىن دالەلدەي تۇسكەندەي. كوروناۆيرۋسپەن كۇرەس كەزىندە قالاداعى بارلىق مەديسينالىق وقۋ وردالارىنىڭ سوڭعى كۋرس ستۋدەنتتەرى دە جۇمىلدىرىلعان بولاتىن. سوندىقتان بىلىكتى كادر دايىنداۋ ءاردايىم باستى مىندەت بولىپ قالا بەرمەك.
شىمكەنتتەگى جوعارى مەديسينالىق كوللەجدى وسى باعىتتا جۇمىس جاساپ جاتقان بىرەگەي ءبىلىم بەرۋ مەكەمەسى. كوللەدج جاڭا وقۋ جىلىن ءداستۇرلى فورماتتا باستادى. مۇندا ورتا بۋىن مەديسينالىق قىزمەتكەرلەرىنىڭ ءبىلىمىن جەتىلدىرۋ بولىمشەسى، سيمۋلياسيالىق ورتالىقتار بار.
بۇگىندە جوعارى مەديسينا كوللەدجىندە 2 مىڭنان اسا ستۋدەنت ءبىلىم الادى. كادرلاردى دايىنداۋ 8 ماماندىق، 9 بىلىكتىلىك بويىنشا جۇرگىزىلەدى: فەلدشەر، اكۋشەر، جالپى پراكتيكا مەيىرگەرى، مەيىرگەر ءىسىنىڭ قولدانبالى باكالاۆرى، گيگيەنيست-ەپيدەميولوگ، دانتيست، مەديسينالىق لابورانت، فارماسيەۆت جانە ءتىس تەحنيگى.
بيىل مەديسينا كوللەدجىن 552 ستۋدەنت بىتىرگەن. وقۋ ورنىن بىتىرگەن جاس مامانداردىڭ باسىم بولىگى ءوز ماماندىقتارى بويىنشا جۇمىسقا ورنالاسقان.
پىكىر قالدىرۋ