شىمكەنت قالاسىندا مۇمكىندىگى شەكتەۋلى جاندار ۇيدە وتىرىپ-اق، ءبىر مىڭنان استام مەملەكەتتىك قىزمەتتى الدى. «ازاماتتارعا ارنالعان ۇكىمەت» مەملەكەتتىك كورپوراسياسى مۇمكىندىگى شەكتەۋلى جاندارعا مەملەكەتتىك قىزمەتتەردى ۇيدە وتىرىپ كورسەتەدى. ول ءۇشىن 1414 ءبىرىڭعاي بايلانىس ورتالىعىنا قوڭىراۋ شالىپ، سۇرانىس قالدىرساڭىز بولعانى.

56 ساعات ىشىندە حقكو قىزمەتكەرى ءوتىنىش بەرۋشىمەن حابارلاسىپ، كليەنتكە ىڭعايلى ۋاقىتتا ۇيىنە بارادى. وسى ساناتتاعى ادامدارعا ءبىز ءوز دەنساۋلىعىمىزعا ءقاۋىپ توندىرمەۋگە جانە حقو-عا كەلمەي، مەملەكەتتىك قىزمەتتى ۇيدەن الۋ مۇمكىندىگىن پايدالانۋعا كەڭەس بەرەمىز. ولار ەڭ تانىمال جانە سۇرانىسقا يە قىزمەتتەرگە قول جەتكىزە الادى. اتاپ ايتقاندا، جەكە كۋالىكتى، سونداي-اق، ەلەكتروندىق سيفرلىق قولتاڭبا الۋ مۇمكىندىگى بار، – دەيدى «ازاماتتارعا ارنالعان ۇكىمەت» مەملەكەتتىك كورپوراسياسى فيليال ديرەكتورىنىڭ ورىنباسارى ايدوس اشەتوۆ.

مەملەكەتتىك كورپوراسيا قىزمەتكەرلەرى كوروناۆيرۋس ىندەتىن ەسكەرە وتىرىپ، قىزمەت كورسەتۋ بارىسىندا بارلىق قاۋىپسىزدىك شارالارىن ساقتايدى. بارلىق مامان بەتپەردە كيىپ، انتيسەپتيكتەرمەن جابدىقتالعان.

«ازاماتتارعا ارنالعان ۇكىمەت» مەملەكەتتىك كورپوراسياسى مۇمكىندىگى شەكتەۋلى ازاماتتارعا مەملەكەتتىك قىزمەت كورسەتۋ باعىتىنا كوپ نازار اۋدارۋدا. ازاماتتاردىڭ ۇيلەرىنە بارىپ، مەملەكەتتىك قىزمەت كورسەتۋمەن قاتار، حقو ماماندارى ەستۋ جانە سويلەۋ قابىلەتى ناشار ادامدارعا مەملەكەتتىك قىزمەتتەردى كورسەتۋ ءۇشىن ىم-يشارا ءتىلىن مەڭگەرگەنىن اتاپ ءوتۋ قاجەت.

جىل باسىنان بەرى شىمكەنت قالاسى بويىنشا فيليالىنىڭ قىزمەتكەرلەرى تۇرعىنداردىڭ ۇيىنە بارىپ، 1 مىڭنان استام مەملەكەتتىك قىزمەت كورسەتتى. مەملەكەتتىك قىزمەتتەردى ۇيدە وتىرىپ، ءى جانە ءىى توپتاعى مۇگەدەكتەر، ۇلى وتان سوعىسىنىڭ قاتىسۋشىلارى مەن مۇگەدەكتىگى بار بالالار الا الادى.