قورعانىس مينيسترلىگى الماتى وبلىسىندا پاراشيۋتپەن سەكىرۋ جاتتىعۋلارى كەزىندە اسكەري قىزمەتشىنىڭ قازا تاپقانىن حابارلادى.
قايعىلى وقيعا 14 قىركۇيەكتە پاراشيۋتپەن وقۋ-جاتتىعۋدى پىسىقتاۋ كەزىندە بولعان. مارقۇمنىڭ كىم ەكەنى ازىرگە بەلگىسىز. تۋىستارىنىڭ ءوتىنىشى بويىنشا وزگە اقپارات جاريا ەتىلمەيدى.
"پاراشيۋتپەن جوسپارلى سەكىرۋ وقۋ-جاتتىعۋىن ورىنداۋ كەزىندە قارۋلى كۇشتەردىڭ اسكەري قىزمەتشىسى، اسكەري شەنى "كاپيتان"، 1990 جىلى دۇنيەگە كەلگەن وفيسەر قازا تاپتى" دەلىنگەن حابارلامادا.
بۇعان دەيىن اسكەري سارباز پاراشيۋتپەن 50-گە جۋىق سەكىرۋ ورىنداعان. شتاتتان تىس پاراشيۋتتى-دەسانت قۇتقارۋشىلار توبىنىڭ قۇرامىنا كىرگەن.
ءقازىر قايعىلى جاعدايدىڭ سەبەپ-سالدارى انىقتالىپ جاتىر.
پىكىر قالدىرۋ