سولتۇستىك قازاقستان وبلىسىندا شەنەۋنىكتەر وزدەرىنە 60 ميلليون تەڭگە (141 مىڭ دوللاردان استام) سىياقى جازىپ العان، دەپ حابارلادى استانا تەلەارناسى.
– قىزىلجار اۋداندىق ەكونوميكا جانە قارجى ءبولىمىنىڭ قىزمەتكەرلەرىنە 60،6 ميلليون تەڭگە نەگىزسىز سىياقى تولەۋ فاكتىسى انىقتالدى، – دەدى سقو-نىڭ ريەۆيزيالىق كوميسسيا مۇشەسى تالعات كەنجەبايەۆ.
اۋداندىق اكىمدىكتىڭ 10 قىزمەتكەرى جەرگىلىكتى بيۋدجەتتى ءوز بەتىنشە ءبولىپ، اۋدان اكىمدىگى اپپاراتىنا قارجىلاندىرۋدى ۇلعايتىپ كورسەتكەن. ناتيجەسىندە قىزمەتكەرلەر ەڭبەكاقىلارىنا جىلدىق قارجىلاندىرۋ سوماسىن ءۇش ەسەگە ۇلعايتىپ العان.
ەكونوميكا جانە قارجى بولىمىنە زاڭبۇزۋشىلىقتاردى جويۋ تۋرالى ۇيعارىم جولداندى. ءبولىم باسشىسى تارتىپتىك جاۋاپكەرشىلىككە تارتىلدى. اتالعان ءىستى سىبايلاس جەمقورلىققا قارسى اگەنتىك تەكسەرۋدە.
پىكىر قالدىرۋ