پرەزيدەنت قاسىم-جومارت توقايەۆ دۋشانبەدەگى ۇقشۇ ۇجىمدىق قاۋىپسىزدىك كەڭەسىنىڭ وتىرىسىنا قاتىستى، دەپ حابارلادى اقوردا.
توقايەۆ اۋعان بوسقىندارىن جانە شەتەلدىڭ اسكەري بازاسىن ورنالاستىرۋدىڭ تيىمسىزدىگى تۋرالى ورتاق ۇستانىمدى قولدايتىنىن مالىمدەدى. سونىمەن قاتار گۋمانيتارلىق كومەك پەن اۋعان حالقىنا حالىقارالىق قولداۋ كورسەتۋدىڭ ماڭىزدىلىعىن ەسكەرە وتىرىپ، بۇۇ-نىڭ اۋعانستانداعى ميسسياسىنىڭ قىزمەتكەرلەرى الماتى قالاسىندا ۋاقىتشا ورنالاستىرىلعانىن ايتتى.
پرەزيدەنتتىڭ سوزىنشە اۋعانستانداعى الەۋمەتتىك-ەكونوميكالىق جاعداي، گۋمانيتارلىق داعدارىسقا بەت العان.
– اۋعانستانمەن اراداعى قالىپتاسقان ساۋدا-ەكونوميكالىق، كولىك-لوگيستيكالىق جانە ەنەرگەتيكالىق بايلانىستاردى مۇمكىندىگىنشە قايتا قالپىنا كەلتىرۋ ماڭىزدى دەپ سانايمىن. اۋعانستانداعى ۇزاقمەرزىمدى ستراتەگيالىق ۇستانىمدارىن ازىرلەۋگە قاتىستى جاڭا بيلىكتىڭ قىزمەتىن مۇقيات باقىلاۋدى جالعاستىرۋ قاجەت، – دەدى توقايەۆ.
پىكىر قالدىرۋ