پەرم ۋنيۆەرسيتەتىندە وق جاۋدىرعان ازامات 1ء-شى كۋرس ستۋدەنتى بولىپ شىقتى. بۇل تۋرالى رف تەرگەۋ كوميتەتى حابارلادى.
پەرمدەگى ۋنيۆەرسيتەتتە وق جاۋدىرعان تيمۋر بەكمانسۋروۆ ءبىرىنشى كۋرستا وقىعان. ول قۇقىق قورعاۋ ورگاندارىنا قارسىلىق تانىتىپ، قارۋمەن وق اتۋىن توقتاتپاعاننان كەيىن ءوزى جاراقاتتانىپ قولعا تۇسكەن.
"ۇستالۋ كەزىندە ول قارسىلىق تانىتقاندىقتان جاراقاتتاندى"، – دەپ حابارلادى رف تەرگەۋ كوميتەتى.
تەرگەۋ كوميتەتىنىڭ حابارلاۋىنشا، وقيعا سالدارىنان 8 ادام كوز جۇمدى. وڭىرلىك دەنساۋلىق ساقتاۋ باسقارماسى 14 ادامنىڭ جاراقاتتانعانىن حابارلادى.
بۇعان دەيىن رەسەيدىڭ پەرم مەملەكەتتىك ۋنيۆەرسيتەتى كورپۋستارىنىڭ بىرىندە بەلگىسىز بىرەۋ وق جاۋدىرىپ، 8 ادام كوز جۇمعانىن حابارلاعان بولاتىنبىز.
پىكىر قالدىرۋ