ءبىلىم جانە عىلىم ءمينيسترى اسحات ايماعامبەتوۆ رەسەيدىڭ پەرم ۋنيۆەرسيتەتىندە بولعان اتىستان قازا تاپقانداردىڭ تۋىستارى مەن جاقىندارىنا كوڭىل ايتتى.
– پەرم ۋنيۆەرسيتەتىندە اتىس سالدارىنان قازا تاپقانداردىڭ تۋىستارى مەن جاقىندارىنا كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىن تىلەيمىن، – دەدى مينيستر facebook-تەگى پاراقشاسىندا.
ايماعامبەتوۆتىڭ سوزىنشە، مۇنداي قايعىلى وقيعالار ەلىمىزدەگى مەكتەپ، كوللەدجدەر مەن جوعارى وقۋ ورىندارىندا بالالاردىڭ قاۋىپسىزدىگىن كۇشەيتۋدىڭ قانشالىقتى ماڭىزدى جانە قاجەت ەكەنىن كورسەتەدى. بالالاردى قورعاۋ ماسەلەسى وقۋ ورنىنىڭ ءاربىر باسشىسى ءۇشىن باسىم بولۋى ءتيىس.
– پرەزيدەنتى توقايەۆ ءبىلىم بەرۋ ۇيىمدارىنىڭ قاۋىپسىزدىگىن قامتاماسىز ەتۋ بويىنشا تاپسىرما بەردى. سونداي-اق، بۇل ماسەلە ۇكىمەت وتىرىسىندا ەگجەي-تەگجەيلى قارالىپ، اكىمدىكتەر مەن مەملەكەتتىك ورگاندارعا ءتيىستى تاپسىرمالار جۇكتەلدى.
جوعارى وقۋ ورىندارىنىڭ باسشىلىعى وقۋ كورپۋستارىندا، جاتاقحانالاردا دا قاۋىپسىزدىكتى كۇشەيتۋدە. جبو-دا بەينەكامەرالاردى ورناتۋ، توتەنشە جاعدايلاردا ارنايى ءىس-قيمىلدارعا وقىتۋ بويىنشا ساباقتار وتكىزۋ جۇمىستارى جۇرۋدە، – دەدى مينيستر.
بۇگىن رەسەيدىڭ پەرم ۋنيۆەرسيتەتىنىڭ اۋماعىندا اتىس بولىپ، سالدارىنان 8 ادام قايتىس بولعانى حابارلاندى. ءقازىر قايتىس بولعاندار مەن جاراقات العاندار تۋرالى دەرەكتەر ناقتىلانىپ جاتىر.
پىكىر قالدىرۋ