اقبۇلاق ىقشاماۋدانىنىڭ تۇرعىندارى بۇگىنگى قايعىلى وقيعانىڭ قالاي بولعانىن ايتىپ بەردى، دەپ حابارلادى tengrinews.kz سايتى.
ال 60 جاستاعى راحمەتوللا ايمۇرات اتتى كۋاگەر بۇل وقيعانى نەمەرەلەرىنەن بىلگەن. ول اتىستىڭ داۋسىنان كەيىن نە بولعانىن ءبىلۋ ءۇشىن كوشەگە شىققاندا ءۇيدى پوليسەيلەر قورشاپ العانىن كورگەن. ءبىراق ول كەزدە قارۋلى ادام ءالى ۇستالماعان ەدى.
– مەن نە بولعانىن بىلۋگە شىققانمىن. كەيىن مەنەن ۇيدەن شىقپاۋىمدى ەسكەرتتى. كۇدىكتى سول جەردە بولعان. ارنايى جاساقتار كەلىپ، ءوز مىندەتتەرىن ورىندادى. ول جەردە نە بولعانىن بىلمەيمىن. مەن ونى قالاي الىپ كەتكەندەرىن كوردىم. وسى جەردەن سۋرەتكە ءتۇسىرىپ الدىم. ونى (كۇدىكتى-رەد) كولىككە وتىرعىزىپ اكەتتى. سوسىن مەن كەتىپ قالدىم.
ەكى پوليسەيدىڭ ءمايىتىن الىپ شىققانىن كوردىم. پوليسەيلەر سۋرەتكە تۇسىرۋگە تىيىم سالدى، – دەپ جاۋاپ بەردى كاۋگەر راحمەتوللا ايمۇرات.
زۋمرات ەسىمدى كورشىسى سوت ورىنداۋشىلارى العىسى كەلگەن ءۇيدى بۇرىنعى يەسىنىڭ اتا-اناسى سالعانىن ايتتى.
بۇگىن ساعات 17:00-دە "اقبۇلاق" شاعىن اۋدانىندا توتەنشە وقيعا بولدى. 54 جاستاعى الماتى تۇرعىنى 5 ادامدى اتىپ تاستادى.
قازا بولعانداردىڭ اراسىندا 1982 جانە 1988 جىلى تۋعان ەكى ۋچاسكەلىك ينسپەكتور، ءبىر سوت ورىنداۋشىسى جانە ەكى بەيبىت تۇرعىن بار، ولاردىڭ كىم ەكەنى انىقتالۋدا.
پىكىر قالدىرۋ