پرەزيدەنت قاسىم-جومارت توقايەۆ شىعىس قازاقستان وبلىسىنداعى قالجىر وزەنىنىڭ لاستانۋىنا كىنالىلەردى جاۋاپقا تارتۋدى تاپسىردى. بۇل تۋرالى ونىڭ باسپا ءسوز حاتشىسى بەرىك ءۋالي مالىمدەدى.
"شىعىس قازاقستان وبلىسىنداعى قالجىر وزەنىن زاڭسىز التىن وندىرۋشىلەر قاتتى لاستاپ جاتقانى تۋرالى وتە وزەكتى ماسەلە كوتەرىلگەن. وسىعان بايلانىستى مەملەكەت باسشىسى قاسىم-جومارت توقايەۆ ەكولوگيا، گەولوگيا جانە تابيعي رەسۋرستار مينيسترلىگى مەن شىعىس قازاقستان وبلىسىنىڭ اكىمدىگىنە اتالعان پروبلەمانى ەگجەي-تەگجەيلى تەكسەرىپ، كىنالىلەردى جاۋاپكەرشىلىككە تارتۋ تۋرالى تاپسىردى" دەپ جازدى بەرىك ءۋالي.
پىكىر قالدىرۋ