22 قىركۇيەكتە ۋكراينا پرەزيدەنتى ۆلاديمير زەلەنسكييدىڭ كەڭەسشىسى سەرگەي شەفيرگە قاستاندىق جاسالدى. بۇل تۋرالى Ria.ru اقپارات اگەنتتىگى حابارلادى.
وقيعا كييەۆ استاناسىنىڭ وڭتۇستىگىندەگى لەسنيكي اۋىلىنىڭ ماڭىندا بولعان. ۋكراينانىڭ ۇلتتىق پوليسياسىنىڭ مالىمدەمەسىندە كولىككە 10-نان استام وق ءتيىپ، جۇرگىزۋشى جاراقات العان.
"جۇرگىزۋشى اۋىر حالدە رەانيماسيادا جاتىر" دەلىنگەن اگەنتتىك تاراتقان حابارلامادا.
ۋكراينا پوليسياسى شابۋىلداۋشىلاردى ۇستاۋ بويىنشا اۋقىمدى وپەراسيانى باستادى.
ءبىراق پرەزيدەنت كەڭەسشىسىنىڭ دەنساۋلىعى تۋرالى ءالى حابارلانعان جوق. وقيعا ورنىندا پوليسيانىڭ جەدەل-تەرگەۋ توپتارى جۇمىس ىستەپ جاتىر. قاستاندىق جاساعانداردى ىزدەۋ بويىنشا ارنايى پوليسيا وپەراسياسى ىسكە كىرىستى.
پىكىر قالدىرۋ