كيم چەن ىننىڭ قارىنداسى: ەكى كورەيا بىتىمگەرشىلىككە كەلۋى كەرەك

/image/2021/09/24/crop-8_8_528x959__120676003_gettyimages-916165588.jpeg

سولتۇستىك كورەيا ليدەرى كيم چەن ىننىڭ ىقپالدى قارىنداسى كيم ءو چجون ەكى كورەيا بىتىمگەرشىلىككە كەلۋى كەرەك ەكەنىن مالىمدەدى. 

كيم ءو چجون ەگەر وڭتۇستىك كورەيا "دۇشپاندىق ساياساتىن" توقتاتسا، ولار سەۋلمەن كەلىسسوزدەردى قايتا باستاۋعا دايىن ەكەنىن ايتادى.

تۇبەكتى ەكىگە بولگەن جانجال 1953 جىلى بەيبىت بىتىمگەرشىلىك كەلىسىمىمەن ەمەس، سوعىستى توقتاتۋ بىتىمىمەن اياقتالدى.

ەكى ەل تەحنيكالىق تۇرعىدا سوعىسىپ كەلەدى جانە كەيدە شيەلەنىستى قارىم -قاتىناستا بولدى.

وسى اپتادا وڭتۇستىك كورەيا پرەزيدەنتى مۋن چجە ين ەكى كورەيانى  رەسمي تۇردە قاقتىعىستى توقتاتىپ، تۇبەكتە بەيبىتشىلىك ورناتۋعا شاقىردى. پرەزيدەنت ەكى جاقتىڭ وداقتاستارى، وڭتۇستىكتى قولدايتىن اقش پەن سولتۇستىكتىڭ ەڭ ءىرى ەكونوميكالىق سەرىكتەسى جۇڭگو دا سوعىستى اياقتاۋ كەرەك ەكەنىن ايتتى.

باستاپقىدا بۇل يدەيانى سولتۇستىك كورەيانىڭ جەتەكشى ءمينيسترى "مەرزىمىنەن بۇرىن ايتىلعان" دەپ قابىلدامادى.

ءبىراق جۇما كۇنى مەملەكەتتىك ب ا ق ارقىلى جاريالانعان كۇتپەگەن مالىمدەمەدە كيم حانىم بۇل يدەيانىڭ "ۇمىتتەنەرلىك جانە تاڭدانارلىق" ەكەنىن ايتتى.

سونىمەن قاتار، ول وڭتۇستىك ولارعا قارسى "دۇشپاندىق ساياساتتى" توقتاتسا، "سولتۇستىك ۇسىنىستى تالقىلاۋعا دايىن بولادى" دەپ قوستى.

 

پىكىر قالدىرۋ

قاتىستى ماقالالار