ءبىلىم جانە عىلىم ءمينيسترى اسحات ايماعامبەتوۆ الماتى قالاسىنداعى مەكتەپتەر مەن جوعارى وقۋ ورىندارىنا بارىپ، پەداگوگتارمەن، ۆەدومستۆولىق باعىنىستى جوو-نىڭ رەكتورلارىمەن جانە عىلىمي-زەرتتەۋ ينستيتۋتتارىنىڭ باسشىلارىمەن كەزدەسكەن. بۇل تۋرالى ول الەۋمەتتىك جەلىدەگى پاراقشاسىندا جازدى. 

– مەكتەپكە بارعان كەزدە كۇزەت جۇيەسىنىڭ، بەينەباقىلاۋ كامەرالارىنىڭ جۇمىسىمەن، دابىل تۇيمەلەرىنىڭ، تۋرنيكەتتەردىڭ ورناتىلۋىمەن جانە ت.ب. تانىستىم. مەكتەپتەر، كوللەدجدەر، جوو باسشىلارىنا جانە اكىمدىكتەر مەن مينيسترلىككە بالالارىمىزدىڭ قاۋىپسىزدىگىن ارتتىرۋ بويىنشا جۇمىستى كۇشەيتۋ قاجەت، – دەدى مينيستر.

ول سوڭعى قايعىلى وقيعالار ماسەلەنىڭ وزەكتىلىگى مەن ماڭىزدىلىعىن كورسەتكەنىن اتاپ ءوتتى.  

– بۇل شارالاردان بولەك تاربيە جۇمىستارىن دا جۇرگىزۋ قاجەت.  پسيحولوگتار مەن الەۋمەتتىك پەداگوگتەردىڭ جۇمىسى، سونىمەن بىرگە بالالاردى فورس-ماجورلىق ارەكەتتەر تۋرالى حاباردار ەتۋ ماڭىزدى.

مەكتەپ ديرەكتورلارىمەن كەزدەسۋ كەزىندە اتتەستاسيا، باسشىلار روتاسياسى، ادىستەمەلىك جۇمىستى ۇيىمداستىرۋ ماسەلەلەرى دە تالقىلاندى. ءبىز جولداۋ اياسىندا ايتىلعان پرەزيدەنت تاپسىرمالارىنىڭ ناقتى قالاي جۇزەگە اسىرىلاتىنىنا جەكە توقتالىپ وتتىك.  مەكتەپ ديرەكتورلارى كوپتەگەن جاقسى ۇسىنىس پەن يدەيا ايتتى، ءبىز ولاردى الداعى جۇمىسىمىزدا ەسكەرەمىز.

جالپى، مۇعالىمدەرمەن جانە مەكتەپ ديرەكتورلارىمەن سويلەسە وتىرىپ، سۇراقتاردىڭ مازمۇنى، مىسالى، 1 جىل بۇرىن قويعان سۇراقتارعا قاراعاندا وزگەرگەنىن بايقادىم جانە بۇل قۋانتارلىق جاعداي. بىلتىر كۇن تارتىبىندە تۇرعان ماسەلەلەردىڭ باسىم كوپشىلىگى شەشىمىن تاپتى، – دەپ ايتتى ايماعامبەتوۆ.

ءمينيستردىڭ سوزىنشە، ءداستۇرلى فورماتقا ورالۋ ماسەلەسى تالقىلانعان. ۇستازدار وقۋشىلاردىڭ جالپى سانىنىڭ سىرقاتتانۋشىلىق دەڭگەيى قاشىقتان وقىتۋعا ءوتىنىش بەرگەندەردىڭ كورسەتكىشىنەن الدەقايدا تومەن ەكەنىن ايتقان. 

– مەكتەپ وقۋشىلارى مەن اتا-انالاردىڭ باسىم كوپشىلىگى وفلاين رەجيمدە وقۋعا ريزا. بۇل ءبىلىم ساپاسىنا، بالالاردىڭ ەموسيونالدى جاعدايىنا جانە ولاردىڭ دەنساۋلىعىنا وڭ اسەر ەتەدى، – دەدى ول.