اۋعانستانداعى بيلىكتى باسىپ العان "تاليبان" قوزعالىسىنىڭ سودىرلارى "ادام ۇرلادى" دەپ ايىپتالعان گەرات پروۆينسياسىنىڭ ءتورت تۇرعىنىن كوپشىلىك الدىندا ءولتىردى، دەپ حابارلادى Aamaj News.
Associated Press اقپارات اگەنتتىگىنىڭ الدىندا سويلەگەن كۋاگەر دەنەلەردىڭ ءبىرى قالا ورتالىعىنداعى كرانعا ىلىنگەنىن ايتتى.
بۇل كوپ جىلداردان بەرى كوپشىلىكتىڭ كوزىنشە جاسالعان العاشقى جازالاۋ.
1996-2001 جىلدارى اۋعانستاندا "تاليبان" بيلىكتە بولعان كەزدە، ەلدە تاس لاقتىرۋ، قول مەن اياقتى كەسۋ، سونداي-اق دارعا اسۋ ارقىلى ءولتىرۋ سياقتى قوعامدىق جازالار كەڭ تارالدى.
23 قىركۇيەكتە اۋعانستاننىڭ ۋاقىتشا ۇكىمەتىندە تۇرمە باسشىسى بولعان تەرروريستىك توپتىڭ نەگىزىن قالاۋشىلاردىڭ ءبىرى - نورۋددين تۋرابي Associated Press اگەنتتىگىنە بەرگەن سۇحباتىندا "تاليبان" قىلمىستار ءۇشىن ءولىم جازاسىن جانە اياق-قول كەسۋدى قايتا باستاۋعا نيەتتى ەكەنىن ايتتى.
پىكىر قالدىرۋ