جامبىلداعى جارالىس كەزىندە ۇيلەرى قيراعان قاينار اۋىلىنىڭ تۇرعىندارى، بىرنەشە كۇننەن بەرى قۇرىلىسشىلار قاجەتتى ماتەريالدار جوق دەپ، جۇمىستى توقتاتىپ قويعاندارىن ايتتى. بۇل تۋرالى 31 تەلەارناسى حابارلادى.
قاينار اۋىلىنىڭ تۇرعىنى جانار سۇيىندىكوۆانىڭ سوزىنشە، تەك مينيستر مەن اكىمدەر كەلىپ كورەتىن ۇيلەردە عانا قۇرىلىس جۇمىستارى ءجۇرىپ جاتىر.
– ينستاگرام جەلىسىندە "بارلىق ءۇيدىڭ توبەسى جابىلدى، ادامدار ۇيلەرگە كىرىپ جاتىر" دەپ ايتىلىپ جاتىر. انىعىندا، ءالى كىرگەن جوقپىز. الىگە دەيىن پالاتكادا شاڭ، بوراننىڭ استىندا تۇنەيمىز. بالا-شاعامىز جان-جاقتا ءجۇر، – دەدى ول.
شەنەۋنىكتەر باسپانالاردى 17 قازانعا دەيىن اياقتاۋعا ۋادە بەرگەن.
ال جارىلىستان سوڭ ءىزىم-عايىپ جوعالىپ كەتكەن باۋىرجان داۋىتبايەۆتى ىزدەۋ جۇمىستارى ءبىر ايدان بەرى جالعاسىپ جاتىر. الايدا ەشقانداي ناتيجە جوق.
– باۋىرجان داۋىتبايەۆ جارالانعاندار مەن قازا تاپقاندار جانە امان قالعانداردىڭ دا تىزىمىندە جوق. جارىلىس حرونولوگياسىن جاساۋ كەزىندە اپات وشاعىندا بولعانى انىقتالدى، – دەدى "تاراز" گارنيزونى باسپا ءسوز قىزمەتىنىڭ جەتەكشىسى دينا مۋحارينوۆا.
پىكىر قالدىرۋ