سولتۇستىك كورەيا مەملەكەتتىك اقپارات قۇرالدارى ەلدىڭ ليدەرى كيم چەن ىننىڭ قارىنداسى كيم ءو چجون ەلدىڭ شەشىم قابىلداۋشىسىنىڭ ءبىرى بولىپ تاعايىندالعانىن حابارلادى.
سولتۇستىك كورەيانىڭ مەملەكەتتىك "KCNA" اقپارات اگەنتتىگىندە جاريالانعان حابارلاما بويىنشا كيم ءو چجون ءقازىر ەلدىڭ باسقارۋشى ورگانى مەملەكەتتىك ىستەر جونىندەگى كوميسسيانىڭ مۇشەسى بولىپ سانالادى.
كيم ءو چجون ەلدىڭ ەڭ ماڭىزدى ساياسي قايراتكەرلەرىنىڭ ءبىرى جانە اعاسىنىڭ نەگىزگى كەڭەسشىسى.
كيم ءو چجوننىڭ شەشىمدەر قابىلداۋشى نەگىزگى كوميتەتكە كوتەرىلۋى ونىڭ سولتۇستىك كورەيا باسشىلىعىنداعى ءرولىن رەسمي تۇردە دالەلدەگەن سياقتى.
ول اعاسىنىڭ ەڭ سەنىمدى جانە ادال ادامدارىنىڭ ءبىرى بولىپ سانالادى. وتكەن جىلى وڭتۇستىك كورەيانىڭ ۇلتتىق بارلاۋ قىزمەتى ونى "ءىس جۇزىندە ەكىنشى ورىندا" دەپ باعالادى، ءبىراق ونىڭ رەسمي مارتەبەسى ءارقاشان تۇسىنىكسىز بولىپ كەلگەن بولاتىن.
پىكىر قالدىرۋ