"ەكۆادور تۇرمەسىندەگى توبەلەستەن كەمىندە 100 ادام قازا تاپتى. زارداپ شەككەندەردىڭ بىرنەشەۋىنىڭ ايۋاندىقپەن باسى كەسىلگەن" دەپ حابارلادى RT باسىلىمى. بيلىك قوسىمشا مايىتتەردى ىزدەۋ كەزىندە ءولىم-جىتىم سانى وسۋدە.
زورلىق-زومبىلىق ەكۆادوردىڭ گۋاياكيل قالاسىنداعى "Penitenciaria del Litoral" تۇرمەسىندە بولعان. ەلدەگى تۇرمە بيۋروسىنىڭ مالىمەتىنشە، سارسەنبىگە دەيىن كەم دەگەندە 100 ادام ولگەن، 52 ادام جارالانعان. قازا تاپقانداردىڭ سانى باستاپقىدا 30-دى قۇراعان، الايدا ايماقتىق پوليسيا كومانديرى فاۋستو بۋەنانو مەكەمەدە ءالى دە مايىتتەر تابىلىپ جاتقانىن ايتتى.
مىلتىقپەن، گراناتامەن جانە قارۋ-جاراقپەن قارۋلانعان تۇتقىندار ءبىر-بىرىن اسا قاتىگەزدىكپەن ولتىرگەن، التى ادامنىڭ باسى كەسىلگەن كۇيدە تابىلدى. بەس ساعاتتىق وپەراسيادان كەيىن پوليسەيلەر تۇرمەگە باقىلاۋدى قايتا ورناتقان.
پىكىر قالدىرۋ