الماتىدا 2 قازاننان باستاپ جىلۋ بەرىلەدى. بۇل تۋرالى قالا اكىمىنىڭ باسپا ءسوز قىزمەتى حابارلادى.
باسپا ءسوز قىزمەتىنىڭ مالىمەتىنشە، قولايسىز مەتەورولوگيالىق بولجامدار مەن قالاداعى اۋا رايىنىڭ كۇن سايىنعى مونيتورينگىنە بايلانىستى بيىل جىلىتۋ ماۋسىمى ەرتەرەك باستالادى.
"قولايلى جاعدايدى تالاپ ەتەتىن ۇيىمداردىڭ جۇمىس ەرەكشەلىگىن ەسكەرە وتىرىپ، ەڭ الدىمەن جىلۋ جۇيەسىنە دەنساۋلىق ساقتاۋ، ءبىلىم بەرۋ عيماراتتارى مەن باسقا دا الەۋمەتتىك نىساندار قوسىلادى"، دەلىنگەن تاراتىلعان حابارلامادا.
جىلۋ كوپپاتەرلى تۇرعىن ۇيلەر، سودان سوڭ جىلۋ ەنەرگياسىنىڭ باسقا دا تۇتىنۋشىلارىنا بەرىلە باستايدى. اكىمدىكتىڭ حابارلاۋىنشا، جىلۋ كوزدەرى، گاز جەلىلەرى، قازاندىقتار جىلۋ بەرۋگە 100% دايىن.
پىكىر قالدىرۋ