الەۋمەتتىك جەلىدە جول بويىندا بىرنەشە ەر ادامنىڭ توبەلەسكەن ۆيدەوسى تارادى. وقيعا اقتاۋدا بولعانى انىقتالدى. ۆيدەونى Sergek.kaz پاراقشاسى جاريالادى.
ۆيدەودان اۆتوكولىكتەردىڭ ماڭىندا جاتقان ءۇش ادامدى بىرنەشە ادامنىڭ كۇرەكپەن ساباپ جاتقانىن كورۋگە بولادى.
ماڭعىستاۋ وبلىستىق پوليسيا دەپارتامەنتىنىڭ مالىمەت بويىنشا، وقيعا اقتاۋ قالاسىندا 4 قازاندا شامامەن ساعات 16.30-دا بولعان.
"وقيعا ورنىنا جەدەل تەرگەۋ توبى اتتاندى. توبەلەسكەندەر ۇستالىپ، اقتاۋ پوليسيا باسقارماسىنا جەتكىزىلدى. جانجال ىشىمدىك ىشكەننەن كەيىن تۇرمىستىق سيپاتتا بولعانى انىقتالدى" دەلىنگەن حابارلامادا.
ءقازىر قىلمىستىق كودەكسىنىڭ 293-بابى (بۇزاقىلىق) بويىنشا تەرگەۋ جۇرۋدە.
View this post on Instagram
پىكىر قالدىرۋ