گرۋزيانىڭ بۇرىنعى پرەزيدەنتى ميحايل سااكاشۆيلي اشتىق جاريالاۋدى بەلگىلى ءبىر شارتتارى ورىندالعاندا عانا توقتاتاتىنىن ايتتى. بۇل تۋرالى Mtavari arkhi تەلەارناسىنىڭ باس ديرەكتورى نيكا گۆاراميا حابارلادى.
ەكس-پرەزيدەنت سوزىنشە، ءوزىن جانە ونىڭ جاقتاستارىن بوساتپاعانشا اشتىق جاريالاۋىن توقتاتپايدى.
سااكاشۆيلي سونداي-اق ەسىن جوعالتقان جاعدايدا دارىگەرلەردىڭ كومەگىنەن باس تارتاتىنىن الدىن الا ايتىپ قويعان.
گرۋزيانىڭ قازىرگى پرەزيدەنتى سالومە ليەۆانوۆنا ميحايل سااكاشۆيلي كەشىرىمگە يە بولمايتىنىن مالىمدەدى.
بۇعان دەيىن گرۋزيانىڭ بۇرىنعى پرەزيدەنتى ميحايل سااكاشۆيلي ۇزاق جىلدان سوڭ ەلىنە ورالىپ،ۇستالعان.
ميحايل سااكاشۆيلي 2004-2013 جىلدار ارالىعىندا گرۋزيانى باسقارعان. كەيىن ەلدەن كەتۋگە ءماجبۇر بولعان. وعان قاتىستى بىرنەشە قىلمىستىق ءىس قوزعالعان جانە سوت سىرتتاي ۇكىم كەسكەن. سااكاشۆيلي وزىنە تاعىلعان ايىپتىڭ ساياسي استارى بار دەپ سانايدى.
پىكىر قالدىرۋ