ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ۇكىمەت وتىرىسىندا ماڭعىستاۋ وبلىسىندا ورتاشا جالاقى 353 مىڭ تەڭگەگە كوتەرىلگەنىن مالىمدەدى.
ءمينيستردىڭ سوزىنشە ماڭعىستاۋدا 11 مىڭ كاسىپورىن جۇمىس ىستەيدى. جالدامالى جۇمىسكەرلەر سانى 291 مىڭ ادام. ولاردىڭ ورتاشا جالاقىسى 353 مىڭ تەڭگەنى قۇرايدى.
– وڭىردە 2025 جىلعا دەيىن 60 مىڭنان اسا جاڭا جۇمىس ورنىن اشۋ كوزدەلدى. سونداي-اق 150 مىڭ تۇرعىن جۇمىسپەن قامتىلادى. وسىنىڭ ارقاسىندا 2025 جىلى وبلىستا جۇمىسسىزدىق دەڭگەيى 4،8 پايىزدان اسپايدى،– دەدى مينيستر.
ايتا وتەيىك، جىل باسىنان بەرى ماڭعىستاۋدا 22 ەڭبەك جانجالى تىركەلگەن. جۇمىسشىلاردىڭ قوياتىن نەگىزگى تالابى جالاقىنى كوتەرۋ جانە ەڭبەك جاعدايىن جاقسارتۋ.
پىكىر قالدىرۋ