"1950 جىلدان بەرى فرانسيادا 216 مىڭعا جۋىق بالا ءدىني قىزمەتكەرلەردىڭ زورلىق-زومبىلىعىنىڭ قۇربانى بولدى" دەيدى شىركەۋ مۇشەلەرىنىڭ قۇقىق بۇزۋشىلىقتارىن زەرتتەيتىن توپ جەتەكشىسى. بۇل تۋرالى BBC حابارلادى.

فرانسيانىڭ كاتوليكتىك شىركەۋلەرىندەگى جىنىستىق زورلىق-زومبىلىق تۋرالى ۇزاق ەسەپ جاريالاندى.

فرانسۋز زەرتتەۋشىسى جان-مارك سۋۆەنىڭ ايتۋىنشا، شىركەۋدىڭ قاراپايىم مۇشەلەرىنىڭ قياناتى قوسىلعان كەزدە جابىرلەنۋشىلەردىڭ سانى 330 مىڭعا دەيىن جەتۋى مۇمكىن.

زارداپ شەككەندەردىڭ ءبىرى بۇل ەسەپتى فرانسيا تاريحىنداعى بەتبۇرىس دەپ اتادى.

ەسەپ شىركەۋ، سوت جانە پوليسيا مۇراعاتتارىنا، سونداي-اق جابىرلەنۋشىلەرمەن بولعان سۇحباتقا نەگىزدەلگەن.

قۇجات كولەمى شامامەن 2500 بەتتەن تۇرادى. زارداپ شەگۋشىلەردىڭ باسىم كوپشىلىگى ءار ءتۇرلى الەۋمەتتىك ورتادان شىققان ءجاسوسپىرىم ۇلدار ەكەنى ايتىلادى.

قۇجاتتا ءدىني ورىندار – وتباسى مەن تانىس ادامداردان كەيىن كەيىن، جىنىستىق زورلىق -زومبىلىق ەڭ كوپ تارالعان ورتا ەكەنى ايتىلعان.

دەگەنمەن بۇل ىستەردىڭ كوپشىلىگى فرانسۋز زاڭى بويىنشا قىلمىستىق قۋدالاۋ ءۇشىن تىم كەش دەپ ەسەپتەلەدى.