الماتى قالاسى بوستاندىق اۋدانىنداعى نىساندى ءسۇرۋ كەزىندە سوت ورىنداۋشىسىنىڭ سوققىعا جىعىلۋىنا بايلانىستى وقيعادا اتى اتالعان كاسىپقوي بوكسشى جانقوش تۇراروۆا ەشكىمدى ۇرماعانىن ايتتى.
بۇعان دەيىن الماتىدا جەكە سوت ورىنداۋشىسى ءادىل ەرمەكوۆ قىزمەت بارىسىندا سوققىعا جىعىلىپ، وعان كاسىپقوي بوكسشى جانقوش تۇراروۆتىڭ قاتىسى بار دەگەن اقپارات شىققان.
الەۋمەتتىك جەلىدە تاراعان ۆيدەودان سوت ورىنداۋشىسى ءوز مىندەتىن اتقارۋ كەزىندە باۋىر تۇسىنان اۋىر سوققى الىپ، جان ۇشىرا ايعايلاپ، جەرگە دومالاي كەتكەنىن كورۋگە بولادى. اتالعان دەرەك بويىنشا سوت ورىنداۋشىسى قىلمىستىق ءىس قوزعاۋ تۋرالى ءتيىستى ارىز جازعان.
جانقوش تۇراروۆ Aibat جاڭالىقتار قىزمەتىنىڭ جۋرناليستەرىنە وقيعا ورنىندا بولعانىن، ءبىراق ەشكىمدى ۇرماعانىن جەتكىزگەن.
"مەن ۇرسام، انا جەردە ادامدار ءولىپ قالۋى مۇمكىن عوي" دەگەن سپورتشى ماسەلە تۋرالى كەيىنىرەك كەڭىرەك ايتاتىنىن جەتكىزگەن.
View this post on Instagram
پىكىر قالدىرۋ