7 قازانعا قاراعان ءتۇنى پاكىستاننىڭ بەلۋدجيستان پروۆينسياسىندا جەر سىلكىنىسى بولىپ، 15 ادام كوز جۇمدى. بۇل تۋرالى بي-بي-سي اقپارات اگەنتتىگى حابارلادى.
سەيسمولوگتار پاكىستان اۋماعىندا ماگنيتۋداسى 5،7 شكالاسىن كورسەتكەن جەر سىلكىنىسىن تىركەگەن. جەراستى دۇمپۋلەرىنىڭ ەپيسەنترى كۆەتتا قالاسىنان سولتۇستىك-شىعىسقا قاراي 102 شاقىرىم جەردە ورنالاسقان.
پاكىستاننىڭ اپاتتارعا قارسى كۇرەس باسقارماسى 15-20 ادامنىڭ مەرت بولعانىن حابارلادى. بيلىك اپات قۇرباندارىنىڭ سانى بۇدان دا ارتۋى مۇمكىن دەپ وتىر. ءقازىر قۇتقارۋ-ىزدەستىرۋ وپەراسياسى ءجۇرىپ جاتىر.
ءدۇمپۋ كەزىندە قانشا ءۇي مەن عيمارات بۇلىنگەنى جايلى ازىرگە اقپارات جوق.
پىكىر قالدىرۋ