5 قازان كۇنى بورىشكەر تاراپىنان تاياق جەپ اتى شىققان جەكە سوت ورىنداۋشى ءادىل ەرمەكوۆكە پوليسيا دەپارتامەنتى ايىپپۇل تاعايىندادى. بۇل تۋرالى الماتى قالاسى پوليسيا دەپارتامەنتى باستىعىنىڭ تەرگەۋ بويىنشا ورىنباسارى رۋستام ءابدىراحمانوۆ ءوزىنىڭ instagram پاراقشاسىندا حابارلادى.
وسىلايشا، جەكە سوت ورىنداۋشى ءادىل ەرمەكوۆ كولىكپەن جول قوزعالىسى كەزىندەگى قاۋىپسىزدىك ەرەجەسىن ساقتاماعانى ءۇشىن 2 اەك (5 834 تەڭگە) كولەمىندە ايىپپۇل تولەۋىنە تۋرا كەلەدى.
بۇعان دەيىن الماتىدا جەكە سوت ورىنداۋشىسى ءادىل ەرمەكوۆ قىزمەت بارىسىندا سوققىعا جىعىلىپ، وعان كاسىپقوي بوكسشى جانقوش تۇراروۆتىڭ قاتىسى بار دەگەن اقپارات شىققان. جانقوش تۇراروۆ وقيعا ورنىندا بولعانىن، ءبىراق ەشكىمدى ۇرماعانىن جەتكىزدى. ال رەسپۋبليكالىق سوت ورىنداۋشىلار پالاتاسى سوت ورىنداۋشى مەن بورىشكەر اراسىندا بولعان كيكىلجىڭ كەزىندە پوليسيا قىزمەتكەرلەرىنىڭ وقيعا ورنىنان كەتىپ قالعانى تۋرالى حابارلاعان بولاتىن.
پىكىر قالدىرۋ